15 Qarasha, 15:29 313 0 Jahan Anar LEPESOVA

40 jastaǵy álem chempıonyn úıiniń aldynda óltirip ketti

Máskeýde taı boksynan úsh dúrkin álem chempıony, Armenııa azamaty Ashot Bolıandy belgisiz bireý atyp ketti.

Qylmys 13 qarasha keshke turǵyn úıdiń mańynda jasalǵan. Belgisiz bireý 40 jastaǵy álem chempıonyna oq atqan, aýyr jaraqattan sportshy oqıǵa ornynda kóz jumdy, dep málimdedi RF tergeý komıteti. RF qylmystyq kodeksiniń 105-baby 1-tarmaǵy (adam óltirý) jáne 222-baby 1-tarmaǵy (Zańsyz qarý-jaraq aınalymy) boıynsha qylmystyq is qozǵaldy.

"Tergeý birneshe boljamdy qarastyryp otyr. Sonyń biri kásipkerlik qyzmetpen baılanysty", - dep habarlaıdy Sputnik.

Mash telegram-kanaly Ashot Bolıandy basynan kózdep atqanyn jazdy. Kıller sportshyny birneshe saǵat boıy úıiniń aldynda kútken. Krımınalıster chempıonǵa birneshe ret oq tıgenin anyqtady.

Advokat Karen Nersısıan chempıonnyń tapsyryspen óltirilgenin aıtyp otyr.

"Ol óz ortasyna syıly, sportshy bolǵanyn bilemin. Qylmys álemine qatysy joq edi. Sol sebepti múlde túsiniksiz bolyp otyr. Munyń tapsyrys ekeni daýsyz", - dedi zańger "Zvezda" portalyna bergen suqbatynda.

Nersısıan Bolıandy "jóni túzý, patrıot adam" dep atady. Sondaı-aq, chempıonnyń kásipkerlikpen aınalyspaǵanyn málimdedi.

Sońǵy jańalyqtar