15 Qarasha, 15:19 331 0 Naryq Anar LEPESOVA

Dýbaı – Aqtaý baǵytynda áýe qatynasy ashylady

13-14 qarashada Qazaqstan Respýblıkasy men Birikken Arab Ámirlikteriniń avıaııalyq bılikteri kelissózder júrgizdi, dep habarlady QR Indýstrııa jáne ınfraqurylymdyq damý mınıstrligi.

«Emirates Airlines» áýe kompanııasy 2021 jyldan soń jańa A330 jáne A350 áýe kemelerin alǵannan keıin eki el arasynda tikeleı turaqty reısterdi ashýdy josparlap otyr. Sonymen qatar Dýbaı – Aqtaý baǵyty boıynsha turaqty áýe qatynasyn ashý josparda bar.

Kelissózderge «Fly Dubai», «Emirates Airlines», «Etihad Airways», «Air Astana», «SCAT» áýe kompanııalarynyń, sondaı-aq Qaraǵandy jáne Almaty qalalarynyń áýejaılarynyń ókilderi qatysty.

Nátıjesinde eki eldiń taǵaıyndalǵan tasymaldaýshylaryna Qazaqstanda engizilgen 5-shi «áýe erkindigin» usynatyn «ashyq aspan» tártibi aıasynda turaqty reısti oryndaý úshin quqyqtyq baza bekitildi. Qol jetkizilgen ýaǵdalastyqtarǵa sáıkes, BAÁ-niń taǵaıyndalǵan tasymaldaýshylary Qazaqstannyń Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semeı qalalarynan 5-shi «áýe erkindigin» usynatyn «ashyq aspan» tártibi aıasynda turaqty áýe tasymaldaryn oryndaýǵa quqyly.

Aıta ketý kerek, Memleket Basshysy Qasym-Jomart Toqaevtyń tapsyrmalaryn oryndaý maqsatynda 2019 jyldyń 1 qarashasynan bastap Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semeı qalalarynyń áýejaılarynda reıster sanyna shekteýlerdi alyp tastaýdy jáne  sheteldik áýe kompanııalaryna 5-shi áýe erkindigin usynýdy kózdeıtin «ashyq aspan» rejımi engiziledi. «Ashyq aspan» rejımi odan ári uzartý múmkindigimen 3 jyl merzimge jaramdy.

Sońǵy jańalyqtar