14 Qarasha, 21:13 315 0 Sport Anar LEPESOVA

Dopıng daýynyń salqyny: Tokıo Olımpıadasyna Qazaqstannan eki-aq ziltemirshi qatysady

Halyqaralyq aýyr atletıka federaııasy dopıng daýyna baılanysty Qazaqstan quramasyna 2020 jylǵy Olımpıadaǵa 2 kvota ǵana bólgen, dep habarlaıdy QazAqparat.

«Qazirgi ýaqytta dopıng daýyna baılanysty Halyqaralyq aýyr atletıka federaııasy Qazaqstanǵa tek eki kvota (1 áıel, 1 er adam – avt.) bólip otyr. Qaı sportshylardyń baratyny áli aıqyndalǵan joq. Bizdiń federaııa sportshylardy nátıjesi boıynsha ǵana tańdaıtyn bolady. Kim barynsha kóp salmaq kóterip, medaldan úmitti bolsa – sol Olımpıada oıyndaryna barady», - dedi OKQ-da ótken baspasóz máslıhatynda Sport jáne dene shynyqtyrý isteri komıteti tóraǵasy Serik Sápıev.

Komıtet tóraǵasynyń aıtýynsha, Parlament Májilisinde dopıng qoldanǵan sportshylarǵa jazany kúsheıtý týraly zań birinshi qaralymda maquldanyp qoıǵan.

«Olımpıada aldynda sportshylarymyz eki-úsh márte tekseriledi. Olardan osy Qazaqstanda dopıng-synama alamyz. Ol dopıng-synamalar Germanııaǵa joldanyp, qaralady. Kimde-kim dopıngti tutynǵany anyqtalsa – sózsiz olar Olımpıadaǵa barmaıdy. Ol máselege qatty qarap otyrmyz», - dedi Serik Sápıev.

Aıta ketsek, dál qazirgi ýaqytta Japonııa astanasy Tokıoda ótetin Jazǵy Olımpıada oıyndary boıynsha ulttyq qurama enshisinde ázirge 14 túrinen 25 lıenzııa bar.

 

Sońǵy jańalyqtar