14 Qarasha, 15:07 290 0 Aımaq Anar LEPESOVA

Prezıdent Aqmola oblysyndaǵy mal jaıatyn jer tapshylyǵyna nazar aýdardy

 Memleket basshysy Qasym-Jomart Toqaev Aqmola oblysyn damytý máseleleri jónindegi keńeste óńirdegi mal jaıatyn jer tapshylyǵy týraly aıtty, dep habarlady Aqordanyń baspasóz qyzmeti. 

«Oblystaǵy jaıylymdyq jerdiń kólemi shamamen 4,5 mln ga, sonyń 88% paıdalanylyp otyr. Aýyldyq eldi mekenderde turǵyndar mal jaıatyn jer tappaı qınalýda. Úkimet berilgen jerlerdi baqylaýǵa alyp, jeke azamattar mal jaıýǵa múmkindik alý úshin qajetti normatıvti ustanýy kerek», - dedi Qasym-Jomart Toqaev.

Sonymen qatar, oblysta 8 myńnan astam otbasynyń turǵyn úı máselesi sheshilgenin aıtty.

«Óńirde eleýli ózgerister bolyp jatqanyn bárimiz kórip otyrmyz. Eki jyl ishinde «Nurly jer» baǵdarlamasymen 900 myń sharshy metr turǵyn úı tapsyryldy. 8 myńnan astam otbasynyń turǵyn úı máselesi sheshildi», - dedi Q.Toqaev.

Sońǵy jańalyqtar