14 Qarasha, 14:58 319 0 Ekonomıka Anar LEPESOVA

Qolma-qol aqshasyz aýdarymdardan salyq ustamaımyz – Álıhan Smaıylov

QR Qarjy mınıstri Álıhan Smaıylov qolma-qol aqshasyz tólemderge qatysty pikir bildirdi. 

«Sońǵy ýaqytta Kaspi sekildi jedel aýdarym júıeleri halyq pen bıznes arasynda úlken qoldanysqa ıe boldy. Oǵan sebep te joq emes. Aýdarym úshin komıssııanyń bolmaýy, paıdalanýdyń jeńildigi men qolaılylyǵy bul qyzmet túriniń tanymaldylyǵyn arttyrdy. Árıne, QR Qarjy mınıstrligi qolma-qol aqshasyz tólemderdiń ósýi kóleńkeli ekonomıkanyń tómendeýine yqpal etetinin túsinedi.

Osy turǵyda aıta ketetin másele, Qarjy mınıstrligi mundaı aýdarymdardan qandaı da bir qosymsha tólemder nemese salyq alýdy josparlamaıdy, onyń ústine jeke tulǵalardyń qolma-qol aqshasyz aýdarymdaryna tekserý júrgizý tipten kózdelmeıdi. Qolma-qol aqshasyz tólemderdi júzege asyrý boıynsha yńǵaıly jáne qazirgi zamanǵy ınfraqurylymdy damytý úshin biz banktermen etene jumys jasaýdy kózdeımiz.

Al kásipkerlik qyzmetke keletin bolsaq, ol mindetti túrde ashyq bolýy kerek. Atap aıtqanda, kásipkerler zańnamaǵa sáıkes fıskaldyq chekter berýge, 2020 jyldyń 1 qańtarynan bastap onlaın kassalyq baqylaý mashınalaryn paıdalanýǵa mindetti. Sondyqtan, Kaspi-di kásipkerlik maqsatta paıdalanatyn kásipkerler bul mindettemelerden bosatylmaıdy. Túbirtektiń bolýy tutynýshylar quqyǵyn qorǵaý úshin mańyzdy. Óz bıznesinde jedel aýdarymdar júıesin qoldanatyn kásipkerlerdiń kiristerin ákimshilendirý máselesin Qarjy mınıstrligi pysyqtaýda. Mysaly, onlaın kassalyq baqylaý mashınalary men avtomatty túrde toltyrý jáne salyq eseptiligin jóneltý fýnkııasy bar POS-termınaldardy biriktirý arqyly kiristi ákimshilendirýge bolady. Mundaı pılottyq joba Kaspi bankpen birge kelesi jyly iske aspaq.

Sonymen qatar, Memleket basshysynyń tapsyrmasyna sáıkes 2020 jyldyń 1 qańtarynan bastap patent nemese ońaılatylǵan deklaraııa sekildi arnaıy salyq rejımderin qoldanatyn shaǵyn bıznes 3 jylǵa salyq tóleýden jáne tekserýlerden bosatylǵanyn atap ótkim keledi. Osy máselelrdiń bárin nazarǵa ala otyryp, halyqty alyp-qashpa áńgimelerge senbeýge shaqyramyn. Óıtkeni jeke tulǵalar úshin alańdaýǵa negiz joq», – dedi Á.Smaıylov.

Sońǵy jańalyqtar