14 Qarasha, 11:36 305 0 Sport Túrkistan Gazeti

Ulttyq  sport ulyqtaldy

Túrkistan oblysy aýyl sharýashylyǵy basqarmasynyń uıymdastyrýymen Arys qalasynda buqaralyq jáne ulttyq sport túrlerin damytý, turǵyndar arasynda salaýatty ómir saltyn qalyptastyrý maqsatynda ALTYN KÚZ – 2019 oblystyq sporttyq saıysy ótti.

Sharaǵa Túrkistan oblysy men aýdan jáne qalalardyń aýyl sharýashylyǵy salasynda eń­bek etip júrgen 400-ge jýyq mem­lekettik qyzmetker qatysty. Oblystyń, aýdan men qalalardyń aýyl sharýashylyǵy salasynyń qyzmetkerlerinen quralǵan 21 komanda kishi fýtbol, arqan tartys jáne voleıbol syndy komandalyq oıyndardan synǵa tústi.

Tartysty dodada voleıboldan I oryndy – oblystyq aýyl sharýashylyǵy basqarmasy,
II oryndy – Sozaq aýdany, III oryndy Arys qalasy ıelendi. Arqan tartystan I oryn – Arys qalasy, II oryn – Sozaq aýdany, III oryn­­dy – Maqtaaral aýdany jeńip aldy. Al kishi fýtboldan I orynǵa – Jetisaı aýdany,
II oryn­ǵa – oblystyq veterınarııalyq zerthanasy, III orynǵa Saıram aýdany ıe boldy.

Jeńimpaz jáne júldeger ko­mandalar Túrkistan oblystyq aýyl sharýashylyǵy basqar­masynyń dıplomdarymen já­ne kýboktarmen marapattaldy.

 

Sońǵy jańalyqtar