14 Qarasha, 10:47 291 0 Ekonomıka Ásel ÁNÝARBEK

Altyn-valıýta aktıvi ulǵaıdy

Qazaqstan Ulttyq bankiniń altyn-valıýta rezervteri 29,5 mlrd dollarǵa jetti. Qazan aıynda rezerv qorynyń kólemi 2,4 paıyzǵa nemese 704,9 mln dollarǵa ósken.

Ulttyq bank tóraǵasy Erbolat Dosaevtyń málimetinshe, altyn-valıýta aktıvtiniń ósýine tutynýshylardyń Ulttyq banktegi shottarda shetel valıý­­tasyndaǵy qaldyqtyń artýy, al­tyn satyp alý operaııalary men oǵan álemdik baǵa belgileniminiń ósýi áser etip otyr. «Ulttyq qordyń shetel valıý­­­tasyndaǵy aktıvi qazanda aldyn ala derekter boıynsha 0,9 paıyzǵa 59,9 mlrd dollarǵa deıin ulǵaıdy. El­diń halyqaralyq rezervteri qazan  sońynda 89,4 mlrd dollardy qurady», – deıdi Ulttyq bank tóraǵasy.

Alaıda elimizdegi valıýtalyq depo­zıt­ter 12,1 paıyzǵa tómendepti. Depo­zıt kólemi jyl basynan beri 2,4 paıyz­ǵa tómendep, qyrkúıek aıynyń sońyn­da 18,1 trln teńgege turaqtady. Al shetel valıýtasyndaǵy salymdardy teń­gemen salymdarǵa aýystyrýshylar qa­tary kóbeıip, 9 aıda ulttyq valıý­tamen salymdar 6,7 paıyzǵa artty. «De­pozıt naryǵyndaǵy sapaly ózge­risterge ótken jyly qazanda engizilgen jeke tulǵalardyń teńge salymdary boıynsha eń joǵary stavka belgileýdiń jańa tásili yqpal etýde. Biz stavkanyń biryńǵaı dırektıvalyq mánin belgile­meımiz. Qazirgi ýaqytta 6 aıǵa deıingi qysqa aralyqta stavkalar bazalyq stavka deńgeıine baılanystyryldy. De­pozıttik stavkalar barynsha uzaq ara­lyqta bankterdiń naryqtyq stav­kalaryna qaraı qalyptasady», – dep atap ótti Erbolat Dosaev.

 

 

Sońǵy jańalyqtar