13 Qarasha, 12:51 366 0 Áleýmet Anar LEPESOVA

"25 gradýs aıaz": Qazaqstannyń birneshe óńirinde kún kúrt sýytady

14-16 qarasha aralyǵynda elimizdiń birqatar aımaǵynda aıaz bolady dep kútilýde. Bul týraly "Qazgıdromet" RMK sınoptıkteri jarııalaǵan aýa raıy boljamynda aıtylǵan.  

Qazaqstan terrıtorııasynda Oral jáne Batys Sibir aımaqtarynan arktıkalyq fronttardyń ońtústik-shyǵysqa jyljýymen qar, keı jerlerde burqasyn, soltústik-shyǵys jeliniń kúsheıýi jáne kóktaıǵaq bolady. Al fronttardyń artynan arktıkalyq teńiz akvatorııasynda qalyptasqan antııklon jyljıdy. Onymen respýblıkanyń kóptegen oblysynda kún sýytady. Soltústik, ortalyq jáne shyǵys aımaqtarda túńgi aýa temperatýrasy 13...18, keı jerlerde 20...25 aıazǵa deıin tómendeıdi, bul ortasha kópjyldyq mánnen 4…10°S-qa tómen. Tek respýblıkanyń batysynda osy kúnderi aýa temperatýrasy normaǵa jaqyn jáne jaýyn-shashynsyz aýa raıy bolady, - delingen habarlamada.

13 qarashada Soltústik Qazaqstan oblysynyń keı jerlerinde tuman, kóktaıǵaq, jaıaý burqasyn bolady. 14 qarashada soltústik-shyǵystan jel soǵady, keı jerlerde kúshi 15-20 m/s jetpek.

Sońǵy jańalyqtar