13 Qarasha, 10:34 301 0 Jahan Anar LEPESOVA

Veneııa sý astynda qaldy

Veneııadaǵy sý deńgeıi 187 santımetrdi kórsetip, sońǵy 50 jylda bolmaǵan rekordty deńgeıge jetti, dep habarlaıdy Rıa Novostı.

Veneııa orta eseppen ár tórt jyl saıyn "sýdyń joǵary deńgeıin" bastan keshedi. Biraq, ádette, 110 santımetrden aspaıtyn sý qalanyń 10% -ǵa jýyǵyn basady. Alaıda bul joly ádettegiden ózgeshe bolǵan.

"187 santımetr. 1966 jyly 194 santımetrden keıingi ekinshi joǵary kórsetkish", - deıdi qala ákimdigi Twitter paraqshasynda.

Bıliktiń málimetinshe, sý 140 santımetrden assa, onda qalanyń 90 paıyzyn sý basady.

Aldaǵy birneshe kúnde ol keıde azaıyp, keıde artyp otyrady. Biraq, ol keste túnde sýdyń tek 145 santımetrge jetedi dep kórsetken.

"Sársenbi kúni biz apat rejımin jarııalaımyz. Biz bılikten kómek suraımyz, shyǵyn kóp bolady. Bul ǵalamdyq jylynýdyń saldary", - dep jazdy Lýıdjı Brýnıano Twitter jelisinde.

Onyń sózinshe, mundaı topan sý joıylmas iz qaldyrady. Sondyqtan, bılik kelgen zalal shyǵynyn esepteı bastaıdy.

Sondaı-aq, merııa Veneto óńirinen daǵdarystyq jaǵdaı jarııalaýdy suraıtynyn málimdedi.

Bul Rımdegi ortalyq úkimetten tótenshe jaǵdaı rejımin jarııalaý úshin qajet.

Sońǵy jańalyqtar