13 Qarasha, 10:22 343 0 Densaýlyq Anar LEPESOVA

"Óz aǵzamdy berýge daıynmyn": Bala qaǵyp ketken qazaqstandyqtyń anasy koreıalyqtardyń aıaǵyna jyǵyldy

Chhanvon qalasynda 7 jasar balany qaqqan qazaqstandyq azamattyń anasy Ońtústik Koreıaǵa baryp, halqy men zardap shekken búldirshinniń jaqyndarynan keshirim surady. Bul proess jergilikti JTBC telearnasy arqyly kórsetildi, dep habarlaıdy "Habar 24".

 «Men, Qazaqstan azamatshasy Koreıa eline kelgen maqsatym: koreı halqynan, osy elde bolǵan jol apaty úshin, jol apatynan zardap shekken kishkentaı bala úshin óz atymnan jáne ulymnyń atynan basymdy ıip keshirim suraý. Bul eki el arasyndaǵy is bolǵandyqtan, erterek kelip sizderden keshirim suraı almadyq. Meniń ulym óz qateligi úshin zań aldynda jaýap beredi. Tek sizderden ótinerim, jumyla el bolyp zardap shekken kishkentaı balanyń amandyǵyn tileıik. Sondaı-aq zardap shekken kishkentaı baladan jáne onyń ata-anasynan erekshe aıaqtaryna jyǵylyp keshirim suraımyz.

   Qurmetti zardap shekken balanyń ata-anasy! Men Ana retinde sizderdiń jaǵdaılaryńyzdy túsinemin. Bul jaǵdaı sizderdi qatty kúızeltti. Men de sizderdiń uldaryńyzdyń amandyǵyn bir Alladan tileımin. Aldaǵy ýaqytta bolatyn operaııada sizdiń ulyńyzǵa kómek kórsetýge daıynbyz. Eger qandaı da bir organ aýystyrý kerek bolsa, ulym ekeýmiz óz aǵzamyzdy berýge daıynbyz. Uldaryńyzdy aman alyp qalǵan Koreıa dárigerlerine alǵysymyz sheksiz», – dep jazdy jazyqty qazaqstandyqtyń anasy qaǵazǵa.

Eske sala ketsek, 16 qyrkúıek kúni Ońtústik Koreıada Qazaqstan azamaty kólikpen bala qaǵyp ketken. Bul oqıǵa birden qoǵamda daý týdyrdy. Sebebi jerlesimiz ol elge zańsyz kirgen jáne kólik júrgizetin qujaty bolmaǵan. Kúdikti oqıǵa ornynan izin sýytyp, Qazaqstanǵa ketip qalǵan. Biraq keıinnen keri qaıtqan. Buǵan deıin 20 jastaǵy otandasymyz 5 jylǵa deıin bas bostandyǵynan aıyrylýy múmkin degen aqparat paıda bolǵan edi. Bul iske qatysty sot otyrysy erteń ótedi. Ońtústik Koreıa prezıdenti Mýn Chje Inniń atyna joldanǵan petıııaǵa qylmyskerdi jazalaýdy talap etken 60 myń adam qol qoıypty.

Sońǵy jańalyqtar