12 Qarasha, 20:52 300 0 Áleýmet Anar LEPESOVA

Qurylysshy janyp jatqan úıden besiktegi sábıdi aman alyp shyqty

Elordadaǵy saıajaıdan shyqqan órtten qurylysshylar 3 aılyq sábıdi aman alyp qaldy, dep habarlaıdy QazAqparat.

QR IIM TJK tóraǵasy Vladımır Bekker oqıǵanyń mán-jaıyn aıtyp berdi. «Órt bolǵan kúni úıde anasy men 2016, 2019 jyly týǵan eki balasy bolǵan. Anasy dalaǵa sharýalarymen shyǵyp ketken kezde úlken uly sirińkeni qolyna alyp oıynǵa aınaldyrǵan. Nátıjesinde úıdegi zattar órtene bastaǵan», - deıdi ol.

Balalardyń anasy kirgen kezde úı ishi kók tútin bolǵan jáne shyǵa beris esikte 2016 jyly týǵan uly jatqan. «Ulyn dalaǵa shyǵarǵan anasy úıge qaıta kire almaǵan. Saıajaı mańynda ornalasqan qurylys kompanııasynyń jumysshylary kómekke kelgen. Úsh qurylysshynyń biri janyp jatqan úıge kirip, besikte jatqan 2019 jyly týǵan sábıdi alyp shyqqan», - deıdi komıtet tóraǵasy.

2019 jylǵy sábıdiń denesi 7% kúıip qalsa, úlken uly ystan ortasha deńgeıde ýlanǵan. «Astana Dor Indýstrııa» JShS-nyń jumysshysy, Ramıl Ahmetjanov esimdi qutqarýshy erligi úshin medalmen marapattalady.

 

Sońǵy jańalyqtar