12 Qarasha, 14:49 322 0 Syrtqy saıasat Anar LEPESOVA

Elbasy Pýtın men Zelenskııdi Qazaqstanda kezdestirýdi usyndy

Elbasy Nursultan Nazarbaev Reseı men Ýkraına arasyndaǵy kıkiljińdi sheshetin ýaqyt jetkenin aıtty. Astana Club otyrysynda sóılegen sózinde Nursultan Nazarbaev eki el prezıdentterin Qazaqstanda kezdestirýdi usyndy. 

«Reseı men Ýkraınanyń arasyndaǵy jaǵdaı, árıne, qynjyltady. Olar bir-birine óte jaqyn elder. Alaıda bolary boldy. Ishki jáne syrtqy kúshter aralasyp ketti. Qazir qarym-qatynastyń ajyrap ketkeni sonshalyq... Ýkraına men Reseıdi óte jaqsy bilemin. Alǵashqy kúnderden bastap-aq eki eldi tatýlastyrýǵa tyrysyp kelemin. Meniń jumysymnyń nátıjesi – Mınsktegi alǵashqy kezdesý boldy. Basynda men eýropalyq elderdi aralap, Merkel hanymmen kezdestim. Keıin Kıevke kelip, Poroshenkomen kezdestim. Odan keıin Máskeýge bardym. Franııa prezıdenti Qazaqstanda bolǵan kezde jol ortada Pýtınmen kezdesýdi ótindim. Osynyń nátıjesinde biz Mınskte bas qosyp, máselelerdi sheshýge tyrystyq», - dedi Nursultan Nazarbaev Astana Club otyrysynda.

Elbasynyń aıtýyna qaraǵanda, bári oıdaǵydaı kele jatqan. «Máskeýdiń talaby men ótinishi – Ýkraınanyń shyǵysyndaǵy azamattardy qorǵaý týraly zań qabyldaý edi. Ol azamattar – sondaǵy proeske qatysqandar, sottalǵandar, taǵy basqa... Ýkraına Radasy mundaı zańdy qabyldaǵanymen, ol oryndalmaı jata berdi. Zań osy jyldyń 31 jeltoqsanynda kúshin joıady», - dedi ol.

Elbasy Pýtınmen telefon arqyly sóıleskende, osy máseleni qozǵaǵanyn atap ótti.

«Keshe Vladımır Pýtınmen bul máseleni ary qaraı qalaı sheshýge bolatyny týraly tildestim. Qarym-qatynastyń ýshyqqany sonshalyq, Ýkraına Batys pen AQSh-qa appelıaııamen shyǵyp otyr. Meniń oıymsha, Reseı men Ýkraınanyń prezıdentterin jeke kezdestirý kerek. Tek osylaı ǵana kelisýge bolady. Sebebi, eki el arasyndaǵy naqty jaǵdaı sheshiledi. Men osyndaı kezdesý múmkin dep oılaımyn. Menińshe, qazir osy kezdesýdiń dál sáti týyp tur. Birinshiden, Zelenskıı saılaýda halyqtyń qoldaýyna ıe boldy. Dýma da jańa prezıdentti qoldaıtyn azamattardy saılady. Ol osy máseleni sheshe alady. Qos tarap kelisse, bul máseleni alǵa jyljytý kerek», - dedi Elbasy.

Nursultan Nazarbaev otyrysqa qatysyp otyrǵan memleketterdi Reseı men Ýkraına arasyn jaqyndatýǵa atsalysýǵa shaqyrdy.

«Iaǵnı máseleniń sheshimi bar. Alǵa jyljý kerek. Reseı men Ýkraına prezıdentteri jiger tanyta bilýi tıis. Bul baǵytta jumys júrgizip jatyrmyn. Barshańyzdy Reseı men Ýkraınanyń arasyndaǵy qatynasty buzbaı, kerisinshe jaqyndastyrýdy usynamyn. Donbas pen Lýgansktegi máseleni sheshý kerek. Proess júrip jatyr. Tutqyndaǵy azamattar bosap, ásker bir-birinen alystaı bastady. Sondyqtan, osyndaǵy sarapshylar da ondaǵy beıbitshilikti saqtaý baǵytynda oı aıtýy tıis», - dedi ol.

Sondaı-aq, Elbasy Reseı men Ýkraına prezıdentteriniń kezdesýi úshin neıtraldy aımaq retinde Qazaqstandy usyndy.

Sońǵy jańalyqtar