12 Qarasha, 10:15 295 0 Qaýipsizdik Anar LEPESOVA

Úlken Almaty shyńyn baǵyndyrýǵa shyqqan týrıst qyz joǵalyp ketti

IIM tótenshe jaǵdaılar komıteti respýblıkalyq jedel-qutqarý jasaǵynynyń jeke quramy eki kún boıy Almaty qalasynyń mańynda joǵalǵan týrıst qyzdy izdestirýde, dep habarlaıdy vedomstvonyń baspasóz qyzmeti. 

Vedomstvonyń málimetinshe, jedel-qutqarý jasaǵy týrıst qyzdyń joǵalǵany týraly 10 qarasha kúni túnde bilgen.

Qyzdyń týystary onyń sońǵy kezderi taý týrızmimen belsendi aınalysyp júrgenin jetkizdi. Belgili bolǵandaı, ol 9 qarashada Úlken Almaty shyńyn baǵyndyrýǵa shyqqan. Keıinirek ol áleýmettik jelidegi paraqshasyna shyńnan túsirilgen beınerolık jarııalaǵan. Sodan keıin baılanysqa shyqpaǵan.

Izdeý jumystary aýa raıy jaǵdaıyna baılanysty qıyndaı túsken. 11 qarasha kúni tańerteń izdestirý aýmaǵyn keńeıtý úshin qosymsha kúsh shaqyrtýǵa sheshim qabyldandy.

Osylaısha, qutqarýshylar eki topqa bólindi. Birinshisi ótkel arqyly Úlken Almaty shyńyna qaraı jaıaý barady. Shyńǵa týra jolmen barý qar kóshkini bolý qaýpine baılanysty múmkin bolmaı otyr. Ekinshi top "Prohodnoe" shatqaly arqyly ótip, jaqyn mańdaǵy aýdandardy tekserip shyǵady.

Sońǵy jańalyqtar