11 Qarasha, 18:10 652 0 Mýltımedıa Anar LEPESOVA

Abaı-175: "Astana" arnasy uly aqyn mereıtoıyn atap ótýdi alǵashqy bolyp bastady

Abaı álemi - aqyldyń keni! «Astana» arnasy osyndaı uranmen Abaı Qunanbaıulynyń 175 jyldyq mereıtoıyn atap ótýdi birinshi bolyp bastap ketti. Osylaısha, arna ujymy Uly aqynnyń shyǵarmalaryn jas urpaq boıyna sińirýge, qadir-qasıetin túsindirýge at salyspaq. Sebebi, ózi ólse de, artynda ólmeıtuǵyn iz qaldyrǵan aqyn shyǵarmashylyǵy halyq júreginen esh óshpek emes. Sondyqtan "Astana" arnasy ULTTYQ PATRIOTIZM IDEIaSY aıasynda ulttyq ıdeologııany dáripteıtin arna retinde jańa jobalardy qolǵa alady.

Telearna 11 qarashadan bastap jańa formatty iske qosty. Búginnen bastap arnanyń stılıstıkasy ózgerdi. Medıa  naryqtaǵy trendke saı arna logotıpi meılinshe qarapaıym ári tartymdy úlgige aýystyryldy. Jańa maýsymda arnadaǵy ár baǵdarlamanyń rolıkteri hákim Abaıdyń shyǵarmashylyǵymen ushtasyp, kórermen nazaryna usynylady. Máselen, «ASTANA TIMES»  ataýymen jańa formatta jańalyq taratatyn aqparat qyzmetiniń jumysy uly aqynnyń «Segiz aıaq» óleńimen astarlas. Qoǵamda bolyp jatqanyn ár oqıǵany bizdiń arna tilshileri derek pen dáıekke súıenip jetkizedi. Endi qazaq jáne orys tilindegi jańalyqtar shyǵarylymy shyraıyn túrlendirip, bir ýaqytta shyǵady.

"Astana" arnasy halyqtyq arna retinde ustanymdaryn ózgertedi. Turǵyndarmen keri baılanys ornatý maqsatynda tikeleı efırde turǵyndardy tolǵandyryp júrgen suraqtardyń jaýabyn izdemek. Kez-kelgen ýaqytta máseleńizdi aıtyp, redakııaǵa habarlasýǵa múmkindik bar. Arna tilshileri túıitkildiń túıinin tarqatý úshin sheneýnikterge tikeleı telefon shalady. Budan bólek, «mobıldi reporter» aıdary ashylady. Qandaı da bir oqıǵanyń kýágeri bolsańyz,  taspany «ASTANA» arnasynyń “WhatsApp” nemese áleýmettik jelidegi paraqshasyna joldańyz.

Sondaı-aq, jańa maýsymda «SAIaSI RING» tok-shoýynyń alańy jańaryp, keleli kelissózderdiń kókjıegi keńeıedi. Sarapshylar qoǵamda qyzý talqyǵa túsken saıası, áleýmettik, ekonomıkalyq taqyryptardy tarazylaıdy. «ASTANA APTASY» ár senbi, jeksenbiniń keshinde aptanyń aıshyqty oqıǵalaryn saralaıdy. Syn men shyn «Astana» arnasynda.

Budan bólek, kóńildi baǵdarlamalardyń kókjıegi keńeıedi. Áıgili ázilkesh Tursynbek Qabatov «QYZYQ BOLǴAN»  shoýyna óner adamdaryn shaqyryp, ázildiń álemine saıahat jasaıdy. Telearna aldaǵy ýaqytta áleýmettik jaǵynan az qamtylǵan, múmkindigi shekteýli jandarǵa qol ushyn sozbaq. Osy maqsatta 1 naýryz «Alǵys aıtý kúnine» oraı qaıyrymdylyq konerti ótedi. Sharadan túsken qarjy muqtaj jandardyń qajetine jumsalady.

"Jyl tańdaýy-2019" ulttyq televızııalyq mýzykalyq júldesin endi "Astana" arnasy kórsetedi. Elimizdiń jarqyn juldyzdaryn bir sahnada toǵystyratyn shara "Almaty Arena" sport kesheninde 1 jeltoqsan kúni ótedi. Sonymen qatar kórermenniń suraýy boıynsha otandyq telehıkaıalardyń jańa jelisin usyna otyryp, talaby bıik, talǵamy zor kórermen nazaryna aty álemge máshhúr «WARNER BROS.PICTURES» kınokompanııasy men Keńes kınosynyń altyn qoryna engen kıno týyndylar men túriktiń úzdik úshtigine engen teleserıaldar jol tartady.

Sońǵy jańalyqtar