11 Qarasha, 14:09 340 0 Mádenıet Anar LEPESOVA

Arýjan Jazylbekova AQSh-ta «Eń úzdik áıel róli» atalymynda jeńiske jetti

Qazaqstandyq aktrısa Arýjan Jazylbekova AQSh-ta ótken «Golden screen awards» marapattaý sharasynda «Eń úzdik áıel róli» atalymyn jeńip aldy. 

Qazaqstan men Qytaı birlesip túsirgen «Kompozıtor» fılmi atalmysh sharada «Eń úzdik kınosy», «Eń úzdik mýzyka», «Eń úzdik er adam róli» jáne «Eń úzdik áıel róli» syndy 4 nomınaııa boıynsha jeńimpaz atandy.

«Golden screen awards» sharasy China Film Co Production korporaııasy, Hollywood Reporter jáne Amerıka kıno qaýymdastyǵynyń qoldaýymen 2016 jyldan beri ótkizilip keledi. Sharanyń basty maqsaty - qytaılyq jáne sheteldik kıno stýdııanyń birigip túsirgen úzdik kınolaryn marapattaý.

Eske salaıyq, «Kompozıtor» fılminiń tusaý keseri aǵymdaǵy jyldyń 17 mamyr kúni elordada ótken bolatyn. Atalǵan fılm álemdik ónerge eleýli úles qosqan Qytaıdyń tanymal kompozıtory Sı Sınhaıdyń ómiri men óner jolyna arnalǵan.

Ekinshi dúnıejúzilik soǵys jyldarynda (1941-1943 jyldar aralyǵynda) kompozıtor Qazaqstanda turyp, qazaqtyń talantty kompozıtory Baqytjan Baıqadamovpen dos bolǵan. Kartına eki el arasyndaǵy yntymaqtastyq pen kompozıtorlardyń dostyǵy týraly syr shertedi. Fılmdi Sh.Aımanov atyndaǵy «Qazaqfılm» kınostýdııasy jáne qytaılyq «Shineworks Pictures», «China film coproduction corporation» kompanııalary birge túsirgen.

 

Sońǵy jańalyqtar