9 Qarasha, 18:47 413 0 Syrtqy saıasat Anar LEPESOVA

Asqar Mamın Rejep Erdoǵanmen kezdesedi

2019 jylǵy 10-11 qarashada Qazaqstan Respýblıkasynyń premer-mınıstri Asqar Mamın Túrkııa Respýblıkasyna jumys sapary aıasynda Caýda-ekonomıkalyq yntymaqtastyq jónindegi Qazaqstan–Túrkııa úkimetaralyq komıssııasynyń XI otyrysyna jáne Qazaqstan–Túrkııa bıznes-forýmyna qatysady. Bul týraly premer-mınıstrdiń resmı saıtynda jarııalandy.

Sapar barysynda Qazaqstan Úkimetiniń basshysy Asqar Mamın men Túrkııa Respýblıkasynyń Prezıdenti Rejep Erdoǵannyń kezdesýi josparlanǵan. Qazaqstan–Túrkııa bıznes-forýmyna 150-den astam qazaqstandyq jáne 700 túrik kompanııasynyń ókilderi qatysady.

Forým jumysy aıasynda QR Premer-Mınıstri Asqar Mamın túrik bıznesiniń kóshbasshylarymen, onyń ishinde Yildirim, Ronesans, Kibar, Calik, Koc, Zorlu, Eczacibasi holdıngteriniń basshylyqtarymen birqatar kezdesýler ótkizedi. Forým qorytyndysy boıynsha densaýlyq saqtaý ınfraqurylymyn damytý, týrızmdi, turǵyn úı qurylysyn, sondaı-aq, kóliktik-logıstıkalyq sektordy damytý salasyndaǵy yntymaqtastyq týraly 20-ǵa jýyq qujatqa qol qoıý josparlanǵan.

Sońǵy jańalyqtar