8 Qarasha, 10:02 300 0 Saıasat Anar LEPESOVA

Fatıma Jaqypova qyzmetinen bosatyldy

Bilim vıe-mınıstri  Fatıma Jaqypovanyń qyzmetinen bosatyldy. Bul týraly vedomstvo basshysynyń keńesshisi Erbolat Muhamedjan óziniń Facebook-tegi paraqshasynda jazǵan.

"Bilim jáne ǵylym vıe-mınıstri Jaqypova basqa qyzmetke aýysýyna baılanysty qyzmetinen bosatyldy. Qazirgi ýaqytta osy laýazymdy tulǵa basqa jumysqa aýysýyna baılanysty zańnamaǵa sáıkes atqaryp otyrǵan qyzmetinen bosatý boıynsha kelisý rásimi júrgizilýde", - dep jazdy ol.

Eske sala ketsek, 7 qarasha kúni senat depýtaty Edil Mamytbekov plagıat daýyna baılanysty  Bilim jáne ǵylym vıe-mınıstri Fatıma Jaqypovany otstavkaǵa jiberýdi talap etken bolatyn.

Senator bir aıdan astam ýaqyt boıy otandyq BAQ pen sheteldik uıymdar qazaqstandyq vıe-mınıstrdiń plagıatyn talqylap jatqanyn alǵa tartty. Onyń aıtýynsha, qazir álemde moıyndalǵan eki antıplagıattyq júıe basqa bireýdiń ǵylymı jumysyn paıdalaný faktisin rastap otyr.

Mamytbekov Úkimet basshysy Asqar Mamınge joldaǵan depýtattyq saýalynda ǵylymı qoǵam men joǵary bilim júıesin ózge elder aldynda Qazaqstannyń bedelin túsirgen laýazymdy tulǵanyń masqarasynan qutqarýdy talap etti.

Sońǵy jańalyqtar