8 Qarasha, 09:53 319 0 Syrtqy saıasat Anar LEPESOVA

Qazaqstan men Reseıdiń óńiraralyq forýmy: 8 qujatqa qol qoıyldy

Memleket basshysy Qasym-Jomart Toqaev Qazaqstan men Reseıdiń XVI óńiraralyq yntymaqtastyq forýmyna qatysty, dep habarlaıdy Aqorda. 
Shekara mańy yntymaqtastyǵyn damytýdyń ózekti máselelerine arnalǵan forým jumysyna óńirler men oblystardyń basshylary, salalyq memlekettik organdar men eki eldiń isker toptarynyń ókilderi qatysty.

Qazaqstan Prezıdenti Forýmnyń memleketter arasyndaǵy ózara yqpaldastyqty damytýǵa baǵyttalǵan ıgi dástúrge jáne tolyqqandy mehanızmge aınalǵanyn, ótken jyldardaǵy yntymaqtastyqtyń nátıjesi osynyń aıqyn dáleli ekenin atap ótti.

– Ózara saýda-ınvestıııalyq yqpaldastyǵymyz aıtarlyqtaı keńeıdi. 2003-2018 jyldar aralyǵynda saýda kólemi 3,5 ese ulǵaıdy. 2018 jyly taýar aınalymy 6,5 trıllıon teńgeden asty nemese 19 mıllıard AQSh dollaryna jetti, – dedi Memleket basshysy.

Qasym-Jomart Toqaev energetıka, munaı-gaz salalaryndaǵy ekijaqty is-qımyldardyń ósý qarqynyna oń baǵa berdi.

– Kaspıı qubyr konsorıýmy qurylǵan sátten bastap «Teńiz-Novorossıısk» munaı qubyry arqyly álemdik naryqqa 500 mıllıon tonnadan astam munaı jetkizildi. Bul – aıtarlyqtaı kórsetkish. Sonymen qatar konsorıým bizdiń elderimizdiń kúsh-jigerin biriktirý jáne senimdi sheteldik ınvestorlardy tartý arqyly alynatyn sınergııa turǵysynan tıimdi. Bizdiń kásiporyndarymyz Qazaqstannyń «Teńiz», «Korolevskoe» jáne «Qarashyǵanaq» ken oryndarynda, sondaı-aq, transshekaralyq «Hvalynskoe», «entralnoe» jáne «Qurmanǵazy» ken oryndarynda birlesken jumystar júrgizýde, – dedi Prezıdent.

Memleket basshysy Eýrazııalyq ekonomıkalyq odaq aıasynda júrgizilip jatqan yqpaldastyqtardyń nátıjelerine toqtaldy. Onyń aıtýynsha, óńirlerdiń Eýrazııalyq ekonomıkalyq odaqtyń múmkindikterin belsendi paıdalanýy ózara saýda-sattyqtyń artýyna, jetkiziletin taýar nomenklatýrasynyń keńeıýine jáne ınvestıııanyń ulǵaıýyna yqpal etti.

Qasym-Jomart Toqaev Qazaqstan men Reseıdiń yntymaqtastyǵy ekonomıkanyń turaqty ósimin qamtamasyz etýdiń jáne halyqtyń ál-aýqatyn arttyrýdyń negizgi tetigi bola alady dep esepteıdi.

– Eki elde de ınvestıııa tartý jáne eksportqa yqpal etý úshin qurylǵan arnaıy damý ınstıtýttary jetkilikti. Bul ınstıtýttar taýarlardy jetkizý úshin perspektıvaly naryqtar men óńirlerimizdiń ınvestıııalyq jáne ınfraqurylymdyq múmkindikterin saraptap, ol jaıynda bıznesti aqparattandyryp, elderimizdiń shekaralas óńirleriniń naryqtaryn zertteý jónindegi birlesken baǵdarlamany ázirlep, iske asyra alady. Bul jumysty turaqty ári júıeli júrgizý kerek dep esepteımin, – dedi Memleket basshysy.

Qazaqstan Prezıdenti shekara mańyndaǵy óńirlerdiń ınfraqurylymdyq áleýetin nyǵaıtýǵa múmkindik beretin shekara mańy yntymaqtastyǵynyń baǵdarlamasyn ázirleýdi usyndy.

– Shekara mańy aımaqtarynyń ınfraqurylymdyq áleýetin keńeıtý jáne damytý qajet. Qoldanystaǵy ınfraqurylym zamanaýı talaptarǵa saı kelmeıdi. Sondyqtan aldymyzda aýqymdy jumys bar. Qurylǵan transulttyq dálizderdi, sonyń ishinde «Bir beldeý, bir jol» jáne «Soltústik – Ońtústik» megajobalaryn eskere otyryp, shekaralyq ótkizý beketterin jańǵyrtý kerek. Búginde ótkizý beketterin keńeıtip, qosymsha birnesheýin ashý qajettigi týyndap otyr, – dedi Qasym-Jomart Toqaev.

Baıandamada eki eldiń óndiristik kooperaııasy salasyndaǵy Birlesken is-qımyldar baǵdarlamasynyń mańyzdy ról atqaratynyna basa mán berildi. Prezıdent salalyq mınıstrlikterdi, óńirlerdi, eksportty damytý jáne qoldaý ınstıtýttaryn úshinshi elderdiń naryqtaryna birlese shyǵý kezinde ózara belsendi is-qımyl jasaýǵa shaqyrdy. Sonymen qatar ol eki eldiń baqylaýshy organdarynyń arasynda tyǵyz yntymaqtastyq ornatý paıdaly dep sanaıdy.

– Aýyl sharýashylyǵy – kez kelgen ekonomıkanyń asa mańyzdy sektorlarynyń biri ekeni jasyryn emes. Baqylaýshy organdardyń osy salaǵa erekshe nazar aýdarýy túsinikti jáne tıimdi. Biraq ol shekten shyqpaýy tıis. Sondyqtan ákimshilik kedergilerdi boldyrmaý, týyndaıtyn máselelerdi sheshýde jedeldikti qamtamasyz etý úshin tıisti mınıstrlikter men vedomstvolar arasynda tolyqqandy, kúndelikti baılanys qajet, – dedi Memleket basshysy.

Qasym-Jomart Toqaev Sport salasyndaǵy yntymaqtastyq baǵdarlamasyn ázirleýdi, sondaı-aq, Qazaqstan astanasynda Baýman atyndaǵy ýnıversıtettiń bazasynda fızıka-matematıka mektebin ashý jónindegi bastamany qoldady. Sáıkesinshe, Reseıdiń shekaralas aımaqtarynyń birinde «Nazarbaev Zııatkerlik mektebiniń» fılıalyn ashýǵa bolady dep sanaıdy.

Qasym-Jomart Toqaev sóziniń sońynda ekologııalyq problemalardy sheshýdiń mańyzdylyǵyn aıta kele, kelesi óńiraralyq forýmdy 2020 jyly Kókshetaý qalasynda ótkizýdi, sondaı-aq, onyń taqyrybyn «Ekologııa jáne jasyl ósim salasyndaǵy yntymaqtastyq» dep ataýdy usyndy.

 

Forým qorytyndysy boıynsha mynadaı qujattarǵa qol qoıyldy:

– «Qazaqstan-Reseı» shekara mańy yntymaqtastyǵy baǵdarlamasynyń tujyrymdamasy;

– Qazaqstan Respýblıkasynyń Mádenıet jáne sport mınıstrligi men Reseı Federaııasynyń Mádenıet mınıstrligi arasyndaǵy 2020-2022 jyldarǵa arnalǵan yntymaqtastyq baǵdarlamasy;

– Qazaqstan Respýblıkasynyń Indýstrııa jáne ınfraqurylymdyq damý mınıstrligi men Reseı Federaııasynyń Kólik mınıstrligi arasyndaǵy Qazaqstan-Reseı shekarasyndaǵy ótkizý beketteriniń jumysy jónindegi birlesken is-qımyl baǵdarlamasy;

– Qazaqstan Respýblıkasynyń Aqparat jáne qoǵamdyq damý mınıstrligi men Reseı Federaııasynyń Jastar isi jónindegi federaldyq agenttigi arasyndaǵy Jastar saıasaty salasyndaǵy ózara túsinistik týraly memorandým;

– Qostanaı oblysynyń ákimdigi men Chelıabi oblysynyń úkimeti arasyndaǵy saýda-ekonomıkalyq, ǵylymı-tehnıkalyq, áleýmettik, mádenı jáne gýmanıtarlyq yntymaqtastyq týraly kelisim;

– Pavlodar oblysynyń ákimdigi men Qorǵan oblysynyń úkimeti arasyndaǵy saýda-ekonomıkalyq, ǵylymı-tehnıkalyq, gýmanıtarlyq jáne ózge de salalardaǵy yntymaqtastyq týraly kelisim;

– Qazaqstan Respýblıkasy Pavlodar oblysynyń ákimdigi men Reseı Federaııasy Novosibir oblysynyń ákimshiligi arasyndaǵy 2019-2021 jyldarǵa arnalǵan saýda-ekonomıkalyq, áleýmettik, ǵylymı-tehnıkalyq jáne mádenı yntymaqtastyq týraly kelisimdi iske asyrý jónindegi is-sharalar jospary;

– «Damý» kásipkerlikti damytý qory» akıonerlik qoǵamy men «Reseıdiń shaǵyn jáne orta kásipkerlikti qoldaý banki» akıonerlik qoǵamy arasyndaǵy yntymaqtastyq týraly kelisim.

 

Sońǵy jańalyqtar