7 Qarasha, 15:59 327 0 Bilim Anar LEPESOVA

Depýtat Bilim jáne ǵylym vıe-mınıstrin qyzmetinen bosatýdy talap etti

Senat depýtaty Edil Mamytbekov plagıat tóńiregindegi daýdan keıin Bilim jáne ǵylym vıe-mınıstri Fatıma Jaqypovany qyzmetinen bosatý máselesin qozǵady, dep habarlaıdy  Sputnik Qazaqstan. 

Úkimet basshysy Asqar Mamınge joldaǵan depýtattyq saýalynda Mamytbekov bilim salasynda qordalanǵan máselelerdi kóterdi. Sonyń biri bilim jáne ǵylym mınıstriniń orynbasary Fatıma Jaqypovanyń "jalǵan ǵalym" atanýy.

"Sizder bilesizder, bir aıdan astam ýaqyt boıy otandyq BAQ pen sheteldik uıymdar qazaqstandyq vıe-mınıstrdiń plagıatyn talqylap jatyr. Qazir álemde moıyndalǵan eki antıplagıattyq júıe basqa bireýdiń ǵylymı jumysyn paıdalaný faktisin rastap otyr. Mundaı jaǵdaıda vedomstvolyq ulttyq memlekettik ǵylymı-tehnıkalyq saraptama ortalyǵyn paıdalanyp, qazaqstandyq qoǵamdy jańylystyrý - memlekettik qyzmetkerdiń etıkalyq kodeksin buzý bolyp sanalady", - dedi depýtat.

Mamytbekov ǵylymı uıymdar arasynda qarjyny bólý kezinde túıtkildi máseleler oryn alyp jatqanyn alǵa tartty. Aıtýynsha, qazir elimizde eshqashan esh jerde qoldanysqa engizilmeıtin jobalarǵa qyrýar qarjy bólinedi. Al qundy, qoǵamǵa paıdasy bar jobalar nazardan tys qalady, nemese bólingen aqsha ony sapaly júzege asyrý úshin mardymsyz.

"Basqasha aıtqanda, bizde ǵylymdy basqaratyn ókiletti organda obektıvtilik pen ádildik joq", - dedi ol.

Senat depýtaty "jalǵan ǵalym" dep aıyptalǵan vıe-mınıstrdiń áli de óz qyzmetinde júrgenin aıtty.

"Nege áli kúnge deıin kadrlyq sheshim qabyldanǵan joq?", - dedi Mamytbekov.

Sóz sońynda senator ǵylymı qoǵam men joǵary bilim júıesin ózge elder aldynda Qazaqstannyń bedelin túsirgen laýazymdy tulǵanyń masqarasynan qutqarýdy talap etti.

Sońǵy jańalyqtar