7 Qarasha, 10:40 276 0 Aımaq Túrkistan Gazeti

Shaharǵa shyraı berer «Gúlder»

Túrkistan shahary kún ótken saıyn túrlenip, jańasha kelbetke ıe bolyp keledi. Qalanyń kórkin keltiretin oryndar qataryna Esim han alańynan ashylǵan «Gúlder» saıabaǵy da qosyldy.

Atalǵan demalys orny – «Túrkistan jaryq-tazalyq» JShS-niń merdigerlik etken kezekti jobasy. Abattandyrý jumystaryna eki aıdyń kólemindeı ýaqyt ketken. Demalys ornynda dıametri 35 metrlik sýburqaq, 10 úlken jáne 72 kishi jaryqshamdar, hobbıtter úıi, ortalyqtar, kógal jáne gúlder qoıylǵan. Aldaǵy kók­temde munda  raýshan jáne basqa da san alýan túrli gúlder egi­ledi.

Saıabaqtyń saltanatty ashylý rásimine qatysqan Túrkistan ob­lysynyń ákimi Ómirzaq Shókeev: «Elimizdiń jaýharyna aınalatyn Túrkistandaǵy árbir nysan biz úshin asa mańyzdy. Mundaı oryndardy jańǵyrtý arqyly biz turǵyndarǵa jaılylyq pen yńǵaılylyq tanytýdy kózdeımiz», – dedi.

Túrkistanda saıabaqtar sany aldaǵy ýaqytta da artatyn bolady. Olar  bir-birin qaıtalamaıdy, árqaısysynyń ózindik erek­­­sheligi bolmaq. Jaqyn ýaqytta qurylys jumystary qar­qyn­dy júrip jatqan Otyrar yqshamaýdanyndaǵy ákimshilik-is­ker­lik ortalyqta jańa alań boı kóteredi. Sondaı-aq jyl sońy­na deıin Túrkistan qalasyndaǵy «Jeńis» saıabaǵy men kishi alleıa qaıta jóndeý jumystarynan ótip, paıdalanýǵa beriledi. Qa­la­nyń shetki aýmaǵynda salynyp jatqan segiz alleıanyń da ashylý saltanatyna az ýaqyt qaldy.

Sońǵy jańalyqtar