6 Qarasha, 13:04 319 0 Jahan Anar LEPESOVA

Dúnıe júzindegi etnıkalyq qazaqtarǵa erekshe quqyqtar beretin arnaıy kýálik ázirlenbek

Qazaqstanda álemdegi qazaq dıasporalaryn qoldaýdyń memlekettik baǵdarlamasy ázirlenip jatyr. Ol etnıkalyq qazaqtarǵa arnaıy kýálikter shyǵarýdy qarastyrady, dep habarlady "Otandastar" qorynyń birinshi vıe-prezıdenti Talǵat Adýov.

"Dıasporalardy qoldaýdyń memlekettik baǵdarlamasy daıyndalýda. 2020 jyldyń kóktemine qaraı biz ony aıaqtaýdy josparlap otyrmyz. Memlekettik baǵdarlama el basshylyǵy deńgeıinde tanystyrylady", - dedi Talǵat Adýov Ombydaǵy Qazaqstan men Reseıdiń óńiraralyq forýmy aıasynda ótken bıznes-forýmda.

Sonymen qatar, 2020 jyldyń kókteminde "Otandastar" qory otandastar forýmyn ótkizýdi josparlap otyr, onda memlekettik baǵdarlamanyń múmkindikteri jarııa etiledi.

"Memlekettik baǵdarlamada jaqsy tetikter bar, mysaly, qazaqtyń kýáligi. Bul sheteldegi qandastarymyzǵa Qazaqstanda saıası quqyqtardan basqa, kóptegen quqyqty bizdiń eldiń azamattarymen teń jaǵdaıda paıdalanýǵa múmkindik beretin qujat", - dedi "Otandastar" qorynyń birinshi vıe-prezıdenti.

Qazaqstan azamattarynyń saıası quqyqtaryna qoǵamdyq uıymdar qurý, saılaýlar men daýys berýge, beıbit jınalystar men mıtıngilerge qatysý kiredi.

"Otandastar" qory 2017 jyly Qazaqstannyń tuńǵysh prezıdenti Nursultan Nazarbaevtyń tapsyrmasymen quryldy. Qordyń maqsaty – álemdegi otandastarǵa qoldaý kórsetý, qazaq dıasporalaryn biriktirý jáne Dúnıejúzilik qazaqtar qaýymdastyǵynyń rólin kúsheıtý.

6-7 qarashada Omby qalasynda Vladımır Pýtın men Qasym-Jomart Toqaevtyń qatysýymen Qazaqstan men Reseıdiń HVI óńiraralyq yntymaqtastyq forýmy ótedi.

 

Sońǵy jańalyqtar