6 Qarasha, 12:37 297 0 Aımaq Anar LEPESOVA

Shymkentte kópbalaly analar nan baǵasynyń qymbattaýyna narazylyq bildirdi

Shymkentte kópbalaly analar nan baǵasynyń qymbattaýyn toqtatýdy surap otyr. Sheneýnikter buǵan deıin nan baǵasyn bir qalypta ustaýdy ýáde etken edi. Alaıda bul múmkin bolmady ma, áıteýir bir bólke nannyń baǵasy 60 teńgeden 80 teńgege qymbattaǵan. Ásirese, jalǵyzbasty analar baǵanyń ósýi qıyn tıgenin aıtady. Bul týraly  31 arna habarlady.

Alty balasyn jalǵyz ózi tárbıelep otyrǵan Karıma Qaıdarbekova as atasynyń úıdegi negizgi tamaq ekenin aıtady. Sondyqtan nan baǵasynyń qymbattaýy qaltaǵa salmaq túsiredi deıdi.

«Shaıǵa bir otyrǵanda 3-4 taba nan jelinedi. Bir kúnde 12 nan satyp alamyn. Keıde un satyp alyp, nandy ózim pisiremin. Keı dúkenderde nan baǵasy 85 teńgege deıin qymbattap ketti», - deıdi kópbalaly ana.

Naýbaıshylardyń sózinshe, nannyń qymbattaýy un baǵasynyń ósýine baılanysty. Jazda 50 keli undy 5 200 teńgege satyp alsa, qazan aıynda baǵasy 6 200 teńgege jetipti.

Óz kezeginde ákimdiktegiler nan baǵasyn bir qalypta ustaý máselesimen aınalysyp jatqandaryn aıtty.

«Nan baǵasynyń negizsiz ósýin toqtatý úshin, qalalyq ákimdik jumys tobyn qurdy. Olar kún saıyn saýda núktelerin baqylaıdy. Nan baǵasynyń 75 teńgege jetken kezderi boldy. Muny tómendetý úshin, Shymkent qalasynyń aýyl sharýashylyq basqarmasy birinshi surypty undy satyp alý jumystaryn júrgizýde», - deıdi qalalyq ákimdiktiń kásipkerlik basqarmasy basshysynyń orynbasary Qaırat Bazarbekov.

Ákimdik un satyp alý úshin 300 mıllıon teńge aqsha bólgen. Nan baǵasy óspeý úshin, ony naýbaıhanalarǵa taratý josparlanýda.

Sońǵy jańalyqtar