6 Qarasha, 12:24 311 0 Aımaq Anar LEPESOVA

Ólim jaılaǵan aýyl: SQO-da turǵyndar jumbaq jaǵdaıda kóz jumýda

Soltústik Qazaqstan oblysynyń Bulaq aýlynda adamdar jumbaq jaǵdaıda kóz jumýda. Sońǵy jylda aýdanda ondaǵan adam qaterli isikten kóz jumypty. Olardyń keıbiriniń altyn qazatyn kásiporynmen baılanysy bolǵan, dep habarlaıdy  «Astana» arnasy.

Bulaq aýlynyń turǵyndary óńirdegi dertke shaldyqqandardyń kóbeıýine sol mańǵa jaqyn ornalasqan altyn ken orny sebep ekenin senimdi.

Aıtýylarynsha, qaterli dertten jastar da, ken ornyndaǵy jumysqa deıin saý bolǵan adamdar da kóz jumýda.

2014 jyldan beri jumys isteı bastaǵan ken orny reseılik ınvestorlarmen júzege asyrylýda. Ken ornynda túrli jumystardy istep júrgenderdiń ishinde jergilikti turǵyndar da bar. Alaıda olardyń kóbi munda uzaq turaqtamaıdy eken. Altyn qazý densaýlyqtaryna jyldam áser etetin kórinedi. Jergilikti turǵyndardyń sózinshe, jarty jyl ishinde 7 aýyldasy qaıtys bolypty.

«Ken orny jumysyn bastap aldynda ekologııaǵa qatysty qıyndyqtar bolmaıtyny aıtyldy. Ár úsh aı saıyn saraptama júrgiziledi dedi. Al endi munda jumys istegen er adamdar jastaı baqılyq bolýda», - deıdi aýyl turǵyny Qadyrjan Shopanaev.

Al Tilektes Esjanov esimdi turǵyn aǵasynyń az ýaqyt ishinde kóz jumǵanyn aıtady. Aǵasy kásiporynǵa jumysqa ornalspas buryn deni saý bolǵan eken. Ol ózi de biraz ýaqyt ken ornynda jumys istegen. Az ýaqyttan keıin ózi de dertti bolypty.

«Ken ornynda qalaı jumys isteı bastadym, solaı qan qysymyma qatysty qıyndyqtar paıda boldy. 160-170-ke deıin kóterilip ketetin. Dárigerler meni ol jerge jibermedi. Biz ózimiz ken ornynan synamalardy alyp kórdik. Iisi óte ótkir. Aǵam da osy ken ornynda jumys istep, kóz jumdy», - deıdi Esjanov.

Altyn qazatyn kompanııa ókilderin jumys ornynan tabý múmkin bolmady. Al aýdandyq ákimdiktegiler ken ornyndaǵy radıaııa ruqsat etilgen normadan aspaıtynyn aıtty. Sheneýnikterdiń sózinshe, Bulaq aýlyndaǵy ólim-jitim deńgeıi shynymen de joǵary. Alaıda ol tabıǵı qubylys, deıdi.

«Onkologııalyq dert boıynsha ósim baıqalmaıdy. Halyq sanynyń azaıýy turǵyndardyń qartaıýyna, bala týý kórsetkishiniń tómendigine baılanysty. Sonymen qatar kóship ketip jatqandar da bar», - deıdi Esil aýdany ákimniń orynbasary Edil Tutqyshev.

Alaıda oblystyq onkologııa bólimindegilerdiń málimeti basqa. Ondaǵylar Esil aýdanyny dert boıynsha reıtıngte kósh bastap turǵanyn aıtady. Bıylǵy jyly 10 aıdyń ishinde 78 adam dertti bolyp, 26-sy kóz jumypty. Al sebebin eshkim anyqtamaǵan.

Sońǵy jańalyqtar