6 Qarasha, 10:38 317 0 Rýhanııat Anar LEPESOVA

"100 jańa esim" jobasynyń qatysýshylaryna daýys berý bastaldy

Elimizde "100 jańa esim" jobasynyń III maýsymy boıynsha daýys berý kezeńi bastaldy, dep habarlady Qyzylorda qalasy ákimdiginiń baspasóz qyzmeti.

Daýys berý kezeńi 2019 jylǵy 20 qarashaǵa deıin jalǵasady.

Respýblıka boıynsha qazaqstandyq jas kásipkerler arasynan – 129 adam, aq halatty abzal jastardan – 106 adam, mádenıet jastarynan – 373 adam, qoǵam belsendilerinen – 307 adam, salaýatty ómir saltyn ustanatyn – 411 adam, ǵylym-bilim jolynda eńbek etip júrgen – 336 adam jáne t.b. qazaqstandyq jastyń jáne Qytaı men Reseıdegi qazaq jastarynyń ótinimi qabyldandy.

Al jobaǵa Qyzylorda oblysynan 122 ótinim berilgen. Jas ta bolsa birshama jetistikterge jetken syrboıylyq jobaǵa qatysýshylardy qoldaýǵa, daýys berýge, jeńimpazdy anyqtaýǵa atsalysyńyz, - delingen habarlamada.

Qalaı daýys berýge bolady?

Daýys berý úshin https://100janaesim.ruh.kz/ siltemesin basyp, kez kelgen izdeý júıesi arqyly jobanyń negizgi saıtyna ótip, tintýirdi qalaǵan qatysýshyńyzǵa jaqyndatsańyz "daýys berý" tetigi shyǵady. Sol tetikti bir ret basý arqyly siz anketaǵa óte alasyz. Anketanyń (qatysýshy fotosynyń) astynda turǵan "daýys berý" tetigin taǵy basqan soń, júıe sizdiń elektrondy mekenjaıyńyzdy suraıdy. Elektrondy mekenjaıdy engizý arqyly qupııa kod ala alasyz. Qupııa kodty kórsetilgen jerge jazý arqyly siz qatysýshyǵa daýys beresiz.

Bir adam bir ǵana ret daýys bere alady.

Sońǵy jańalyqtar