6 Qarasha, 10:32 336 0 Óndiris Anar LEPESOVA

"Bıznestiń jol kartasy-2020" baǵdarlamasynyń nátıjeleri saralandy

Ulttyq ekonomıka mınıstri Rýslan Dálenov Úkimet otyrysynda "Bıznestiń jol kartasy-2020" memlekettik baǵdarlamasynyń nátıjelerin baıandady. 

"Baǵdarlama ekinshi besjyldyǵynda naqty nátıjelerge jetti. Osy jyly qabyldanǵan sharalardyń negizinde Qazaqstan Dúnıejúzilik Banktiń "Doing Business" reıtıngisinde 25-orynǵa ıe boldy. Bul reıtıng boıynsha elimiz 2015 jylmen salystyrǵanda 16 birlikke kóterildi. Jalpy ishki ónimdegi shaǵyn jáne orta bıznestiń úlesi 28,4%-ke deıin artty. 2015 jylmen salystyrǵanda shaǵyn jáne orta bıznes sýbektileriniń sany 400 myńǵa ulǵaıyp, 1,3 mln qurady. Jumyspen qamtylǵandardyń sany 300 myńǵa ósip, 3,3 mln adamdy qurady", - dedi mınıstr.

Dálenov baǵdarlama aıasynda kásipkerlerge paıyzdyq mólsherlemeniń bir bóligin sýbsıdııalaý, nesıelerge kepildik berý, memlekettik granttar usyný, kásipkerlerdi oqytý, ınfraqurylymdy jetkizý sekildi qoldaý kórsetiletinin aıtty.

Baǵdarlamany iske asyrý úshin bıýdjetten 282 mlrd teńge bólinip, nátıjesinde 16 myńnan astam shaǵyn jáne orta bıznes sýbektileri qarjylandyrylyp, 100 myńnan astam kásipker oqytylǵan. 15,5 trln teńgege ónim óndirilip, 1 trln teńge shamasynda salyq tólengen.

"Baǵdarlama sheńberinde bıznesti damytýǵa múmkindik beriledi. Kásipkerler 7,1 paıyzben nesıe ala alady. Nesıe 2,5 mlrd teńgege deıin beriledi. Memleket tarapynan 60 mln teńgege deıin nesıelerge kepildik beriledi. Sonymen qatar 3 mln teńgege deıin óteýsiz grant usynylady", - dedi mınıstr.

Vedomstvo basshysy azamattardy bıznes negizderine oqytý boıynsha qarastyrylǵan sharalar boıynsha nátıjelerdi atap ótti.

"Baǵdarlama sheńberinde konsýltaııalar kózdelgen. Budan basqa, oqytý men taǵylymdamadan ótý qarastyrylǵan. Olar eki kún nemese eki jáne úsh apta ótkiziledi. Baǵdarlamanyń osy ekinshi besjyldyǵynda 120 myńǵa jýyq kásipker memlekettik qoldaý aldy. 9 myńnan astam kásipkerlerdiń nesıeleri sýbsıdııalandy. 5 myńnan astam kásipkerge kepildik usynyldy. 100 myńnan astam azamat bıznesti júrgizý boıynsha oqytyldy. 2 myńǵa jýyq grant berildi. 165 jobaǵa ınfraqurylym jetkizildi", - dedi Ulttyq ekonomıka mınıstri.

Sońǵy jańalyqtar