5 Qarasha, 15:31 328 0 Bilim Anar LEPESOVA

Almaty men Sankt-Peterbýrg bilim berý salasynda ózara kelisimge qol qoıdy

Almatydaǵy Mánshúk Mámetova atyndaǵy №28 mektep-lıeıi Sankt-Peterbýrg Krasnogvardeısk aýdanyndaǵy №140 orta mektep pen Almaty memlekettik energetıka jáne elektrondy tehnologııa kolledji Nebolsın atyndaǵy Nevskıı kolledjimen ózara yntymaqtastyq ornatpaq. Endi eki taraptyń oqýshylary men kolledj stýdentteri tájirıbe almasady, dep habarlaıdy Almaty arnasy. 

Sankt-Peterbýrgten kelgen arnaıy delegaııa bilim oshaǵyn aralap, onyń jumysymen tanysty. Bul mektepte 1931-1938 jyldary Keńes Odaǵynyń Batyry Mánshúk Mámetova oqyǵan. Bilim oshaǵy 1960 jyldan beri qazaqtyń qaharman qyzynyń esimimen atalyp keledi. Odan bólek, reseılik meımandar kolledjge de at basyn buryp, oqý ornynda atqarylyp jatqan jumystardy kózderimen kórip qaıtty.

«Men dál osy Mánshúk Mámetova atyndaǵy №28 mektep-lıeıimen kelisimge qol qoıylǵanyna qýanyshtymyn. Bilim oshaǵyn aralap, tanysyp shyqtyq. Murajaıda sum soǵystyń surapyl kezderi saqtalǵan. Almaty tarapynan da delegaııany da qabyldaımyz. Onlaın ashyq sabaq ótkizemiz», – dedi Sankt-Peterbýrg qalasy № 140 orta mekteptiń dırektory Elena ROSTÝNOVA.

«Biz halyqaralyq qarym-qatynasty damytýǵa tıispiz. Sebebi basqa elde, basqa memlekette bolyp jatqan, qandaı jańalyqtar bar ekenin kórip-bilip, ózimizben salystyryp, kem-ketigi bolsa tolyqtyratyndaı jaǵdaı jasaýymyz kerek. Bizdiń bilim berý mekemeleriniń arasynda bilim berý júıesinde sonshalyqty aıyrmashylyq bar dep aıta almaımyn. Sebebi bizdiń jasap jatqan jumysymyzdy olar da jasap jatyr. Biraq tyǵyz qarym-qatynas ornasa, biz ózimizdiń salamyzdy damytar edik», – dedi  Almaty qalasy Bilim basqarmasynyń basshysy Gúlnar HODJABERGENOVA.

Sońǵy jańalyqtar