5 Qarasha, 13:00 364 0 Aımaq Anar LEPESOVA

Aqtóbede qar qursaýynda qalǵan kólikte bir adam kóz jumdy

Aqtóbe oblysynda qar qursaýynda qalǵan avtokólikterdiń birinde Tájikstan memleketiniń azamaty qaıtys boldy. Bul týraly "QazAvtoJol" UK" AQ baspasóz qyzmeti habarlady. 

Aldyn ala aqparat boıynsha er azamat 1956 jyly dúnıege kelgen. Belgili bolǵandaı ol Reseı Federaııasynyń Tıýmen qalasynan Tájikistannyń Hodjan qalasyna jumystan qaıtyp bara jatqan. Qaıǵyly oqıǵa "Samara-Shymkent" avtojolynyń 965 shaqyrymynda, Aqtóbe oblysyndaǵy Qarabutaq eldi mekeniniń janynda oryn aldy. Qazirgi tańda oqys oqıǵanyń naqty sebepteri anyqtalýda, - dep málimdedi "QazAvtoJol" UK" AQ baspasóz qyzmetiniń jetekshisi, Marjan Ordabaı.

WhatsApp Image 2019-11-05 at 10.22.33.jpeg
Aıta keteıik, keshe Aqtóbe oblysynda aýa-raıynyń kúrt ózgerýi men qalyń qar jaýǵandyqtan atalmysh avtojoldyń 964-1240 km ýchaskesinde avtokólikterdiń qozǵalysyna ýaqytsha shekteýler qoıylǵan bolatyn.

Júrgizýshiler men jolaýshylardyń qaýipsizdigi úshin "Qazaqavtojol" JShS Aqtóbe oblystyq fılıaly joldaǵy qardy tazalaý boıynsha jáne kók taıǵaqqa qarsy qarqyndy jumystar júrgizdi. Ýchaskedegi jumystarǵa 15 birlik arnaıy tehnıka jumyldyryldy. Avtokólikter qys merzimine daıyn bolmaǵandyqtan jaǵdaı ýshyǵa tústi. Júrgizýshiler men jolaýshylardyń qaýipsizdigi úshin olar "Qazaqavtojol" JShS Aqtóbe oblystyq fılıalynyń Qalybaı aýylyndaǵy jol-paıdalaný pýkntine jetkizilgen. Qazirgi tańda jol qozǵalysy ashyq, - deıdi "QazAvtoJol" UK" AQ baspasóz qyzmeti.

Sońǵy jańalyqtar