5 Qarasha, 12:52 318 0 Zań Anar LEPESOVA

SQO-da medıınalyq kolledj dırektory sottaldy

Soltústik Qazaqstan medıınalyq kolledjiniń dırektory sybaılas jemqorlyq qylmys jasaǵany úshin sottaldy. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti habarlady.

Soltústik Qazaqstan oblysynyń sybaılas jemqorlyqqa qarsy qyzmeti "Soltústik Qazaqstan medıınalyq kolledji" ShJQ KMK dırektory M.B. Ahmetovaǵa qatysty para berdi degen kúdik boıynsha sotqa deıingi tergeýdi aıaqtady.

Ol SQO TJD qyzmetkerine anyqtalǵan órtke qarsy qaýipsizdik erejelerin buzǵanyna ákimshilik jaýapkershilikke tartpaýy úshin kolledj farmaevti M.T.Ábdikárimovanyń deldal bolýy arqyly 50 myń teńge somasynda para berdi degen kúdikke ilindi. Bıyl 1 qarashada Petropavl qalalyq sotynyń úkimimen Ahmetova M.B. para bergeni, al Ábdikárimova M.T. para berýde deldaldyq jasaǵany úshin kináli dep tanyldy, - delingen habarlamada.

Sottalǵandarǵa 500 myń teńge jáne 250 myń teńge kóleminde aıyppul túrindegi jaza taǵaıyndaldy, sondaı-aq memlekettik qyzmette laýazymdy qyzmetpen aınalysý quqyǵynan ómir boıyna aıyryldy.

Sońǵy jańalyqtar