5 Qarasha, 10:03 310 0 Ishki saıasat Anar LEPESOVA

Oralda nan baǵasy sharyqtady

Oral qalasynda nan qymbattady. Buryn joǵary surypty bir bólkeniń quny 100 teńge bolsa, endi saýda sórelerinde ol 125 teńgege deıin jetti, dep habarlaıdy «Habar 24».

Al naýbaıhanalardyń fırmalyq dúkenderinde atalǵan ónimdi 119 teńgege tabýǵa bolady. Baǵanyń bulaısha sharyqtaýyn mamandar álemdik naryqtaǵy bıdaı qunynyń ósýimen túsindiredi. Óz kezeginde dıirmende tarttyrylǵan un da qymbattaǵan. Ózgerissiz qalǵany – birinshi surypty unnan pisirilgen kúlshelerdiń quny. Sebebi, 2010 jylǵy Úkimet qaýlysyna sáıkes birinshi sortty nan áleýmettik mańyzǵa ıe azyq-túliktiń tizimine engizilgen. Qazir nan baǵasyn baǵyndyrýdyń túrli joldary qarastyrylýda.

"Memlekettik mekemeler áleýmettik taýarlardyń, sonyń ishine 19 taýar kiredi, sol taýarlar baǵasyn retteıdi. Endi birinshi surypty nan baǵasyn qymbattatpaý maqsatynda turaqtandyrý qorynyń kúshi qoldanylatyn bolady. Iaǵnı, qordaǵy bar undy tikeleı bizdiń naýbaıhanalarǵa berý arqyly, arzandatylǵan baǵamen berý arqyly sol baǵany ustap turýdy josparlap otyrmyz", - deıdi qalalyq kásipkerlik bólimi basshysynyń mindetin atqarýshy  Meıram Qaıyrov. 

Sońǵy jańalyqtar