5 Qarasha, 09:43 314 0 Aımaq Anar LEPESOVA

Vıe-mınıstr Aqtóbede "Rýhanı jańǵyrý" aıasynda atqarylǵan istermen tanysty

Aqtóbege jumys saparymen kelgen Aqparat jáne qoǵamdyq damý vıe-mınıstri Danııar Esınge «Rýhanı jańǵyrý» baǵdarlamasy aıasynda atqarylǵan jumystar tanystyryldy. 

2017-2019 jyldar aralyǵynda «Týǵan jerge taǵzym» akııasy aıasynda jalpy somasy 11,2 mlrd teńgege 2 myńǵa jýyq joba júzege asyryldy. Onyń ishinde bıyl quny 1,1 mlrd teńge bolatyn 580 áleýmettik joba qolǵa alyndy.

«Arnaıy jobalardyń qatarynda Qobda aýdanyndaǵy Abat-Baıtaq qorymyndaǵy «Qyz áýlıe» kúmbezine konservaııa jasaý, Oıyl aýdanyndaǵy «Kerýen saraı» tarıhı-arhıtektýralyq keshenine restavraııa jumystaryn júrgizý, Yrǵyz aýdanyndaǵy Jamanshyń meteorıttik kraterine ǵylymı-zertteý ekspedıııasyn uıymdastyrý, «Túıetóbe» ıaǵnı, qýǵyn-súrgin, asharshylyq kezinde opat bolǵan adamdardyń urpaqtarynyń halyqaralyq forýmyn ótkizý, «Han molasy» keshenin qorshaý jumysy bar. Sonymen qatar «Qazaqstannyń kıeli jerleri geografııasy» jobasyna engen respýblıkalyq 10 jáne jergilikti mańyzy bar 22 eskertkishtiń 3D modelin ázirleý, oblys aýmaǵyndaǵy kıeli jerler tizimine engizilgen 16 eskertkishke QR-kod ornatý jáne úsh tildegi veb-saıtty ázirleý úshin oblys bıýdjetinen 8 mln teńge bólinip, tıisti jumystar júrgizilýde», - dedi Aqtɵbe oblysynyń «Rýhanı jańǵyrý» baǵdarlamasyn basqarý ortalyǵynyń basshysy Nurlyhan Hasenov.

Aıta keteıik, meenattardyń qoldaýymen Aqtóbe qalasynda Jalańtós Bahadúrge, Edige batyrǵa, Bókenbaı batyrǵa, Eset batyrǵa arnalǵan eskertkishter boı kóterdi. «100 jańa oqýlyq» arnaıy jobasy aıasynda jaryq kórgen 20 oqýlyqtyń 6602 danasy alyndy. «Jubanov kitaphanasy» 100 kitap jobasymen pedagog-oqytýshylar quramy ázirlegen ǵylymı-zertteý eńbekteriniń 21 kitaby baspadan shyǵaryldy.

«Arhıv-2025» jobasy aıasynda bıyl 131 myńnan astam paraq ıfrlyq nusqaǵa kóshirildi. Jyldyq josparda - 800 saqtaý birligin ıfrlyq nusqaǵa kóshirý kózdelip otyr. Bul, atqarylǵan jumystardyń bir parasy ǵana», - dedi Nurlyhan Hasenov.

 

Sońǵy jańalyqtar