4 Qarasha, 11:19 372 0 Densaýlyq Anar LEPESOVA

Shymkentte bir otbasynyń eki balasy astan ýlanyp, kóz jumdy

Shymkentte bir otbasy astan ýlanyp, anasy men úsh balasy aýrýhanaǵa túsken. Alaıda dárigerler 1 jáne 4 jasar balany aman alyp qala almady. Bul týraly Qalalyq TJD baspasóz qyzmeti habarlady. 

Keshe saǵat 10:30-da juqpaly aýrýlar aýrýhanasyna «taǵamnan ýlaný» dıagnozymen bir otbasydan shyqqan balalar men anasy túsken. Olar Eńbekshi aýdanyna qarasty Aldııarov kóshesindegi kópqabatty úıden jetkizilgen. Otaǵasynyń aıtýynsha, alǵashqy aýyrǵan sátte, ıaǵnı túngi 04:42-de osy mekenjaı boıynsha jedel járdem shaqyrtqan. Sebebi tamaqtan ýlanǵan áıeli men úsh perzenti jappaı qusqan. Aýyrsyný belgileri baıqalǵan. Jedel járdemmen kelgen medıına qyzmetkerleri em taǵaıyndap, ketip qalǵan. Alaıda januıa músheleriniń jaǵdaılary odan saıyn nasharlap, tańerteń taǵy medıınalyq kómek shaqyrtqan. Sóıtip 1987 jyly týǵan anasy men 2008, 2015, 2018 jyldary týǵan balalary toksıkologııalyq bólimshege jatqyzylǵan.

«Kúndizgi saǵat 11:00-de juqpaly aýrýlar aýrýhanasynda 2015 j. t. bala qaıtys boldy. Saǵat 14:00-de 2018 jyly týǵan bala kóz jumdy. Qazirgi tańda olardyń ólimniń sebebi anyqtalýda. Sot-medıınalyq saraptamalar taǵaıyndaldy. Aman qalǵan eki adamnyń jaǵdaılary qanaǵattanarlyq. TJ departamentiniń 3 qyzmetkeri oqıǵa ornyna barǵan. Olar muqııat taldaýdan keıin ýly gazben ýlaný faktilerin tirkemedi», – delingen habarlamada.

Sońǵy jańalyqtar