4 Qarasha, 11:05 381 0 Óner Anar LEPESOVA

Dańqty ánshi Andrea Bochellımen án salǵan Dımash tyńdarmandaryn súısintti (vıdeo)

Dımash Qudaıbergen Instagram jelisindegi paraqshasynda álemge áıgili ánshi Andrea Bochellımen birge sahna syrtynda án shyrqaǵan vıdeosyn jarııalady. 

Tenor daýysty uly ánshi fortepıanoda oınap, Dımashty súıemeldedi. Qos óner ıesi birigip Besame mucho ánin shyrqady.

«Maestromen kórispegeli kóp boldy. Grım bólmesinde án shyrqaýdy uıǵardyq. Sahanaǵa shyǵatyn sátti kútýdemiz. Álemdegi eń ádemi tenor ıesi Andrea Bochellımen birge», - dep jazdy Dımash.

Óz kezeginde Dımashtyń jelidegi oqyrmandary qos ánshiniń ánine tánti boldy.

«Týa bitti ánshilerdiń birge án shyrqaǵany qandaı keremet! Sondaı jeńil ári tabıǵı. Bir otbasydan shyqqandaı», «Fantastıka dersiń! Bravo!», «Eń ádemi tenor jáne eń ǵajaıyp daýystyń ádemi ıesi», «Keremet dýet! Jaraısyzdar!», «Dımash úshin ári qýanyp, ári maqtanyp otyrmyn», «Quttyqtaımyn! Qandaı tamasha! Bul kezdesý ekeýińizdiń birlesken shyǵarmashylyqtaryńyzdyń basy bolsyn dep tileımin!» - dep jazdy pikir qaldyrýshylar.

Sońǵy jańalyqtar