4 Qarasha, 10:08 386 0 Qoǵam Anar LEPESOVA

Qazaqstanda eń kóp jáne eń az jalaqyny qaı sala qyzmetkerleri alady?

Bıyl úshinshi toqsanda Qazaqstanda bir qyzmetkerdiń ortasha aılyq ataýly jalaqysy 191 129 teńgeni qurady. Bul týraly QR Ulttyq ekonomıka mınıstrligi Statıstıka komıtetinen málim etti.

Ótken jyldyń sáıkes toqsanymen salystyrǵanda ataýly jalaqy ındeksi 118,1%, al naqty jalaqy ındeksi 112,0% qurady. Statıstıkalyq málimetke sáıkes, salalyq qurylymda eń úlken jalaqyny qarjy jáne saqtandyrý qyzmetiniń mamandary alady – 484,6 myń teńge. Bul, ortasha respýblıkalyq deńgeıden 2,5 esege kóp.

Ken óndirý ónerkásibi jáne karerlerdi qazýda - 418,0 myń teńge (2,2 esege kóp), kásibı, ǵylymı jáne tehnıkalyq qyzmette – 334,1 myń teńge (1,7 esege kóp), qurylys salasynda 257,7 myń teńge (1,3 esege kóp) eńbekaqy belgilengen.

Eń tómengi ataýly jalaqy bilim qyzmetkerlerinde – 122,1 myń teńge. Bul, respýblıka boıynsha orta kórsetkishten 36,1 % tómen.

Óńirlik bóliniste eń joǵary aılyqty Atyraý oblysynyń turǵyndary alady – 361,5 myń teńge. Bul – ortasha respýblıkalyq kórsetkishten shamamen 1,9 esege kóp. Túrkistan oblysynda onyń kólemi 122,8 myń teńgeni qurady, bul – el boıynsha ortasha deńgeıden 35,8% tómen.

«Halyqaralyq standarttarǵa sáıkes, bir qyzmetkerdiń ortasha aılyq ataýly jalaqysy qosymsha aqylardy, ústemaqylardy, syıaqylardy, sondaı-aq salyqtar men basqa da ustap qalynǵan somalardy (tabys salyǵy, mindetti zeınetaqy jarnalaryn) esepke ala otyryp qalyptastyrylady», – dedi komıtetten.

Sońǵy jańalyqtar