3 Qarasha, 16:57 381 0 Áleýmet Anar LEPESOVA

Nur-Sultan kóshelerin sý basý máselesi sheshimin tappaq

Elorda ákimi Altaı Kólginov «Jastar» yqsham aýdanyndaǵy tazartý qurylǵysy qurylysynyń bastalý barysymen tanysty.

Memleket basshysy qala aktıvimen ótken jıynda jaýyn-shashyndyq káriz júıeleriniń qurylysy boıynsha jumystyń qarqynyn kúsheıtýdi tapsyrǵan bolatyn. Jańa qurylystardyń qýaty 40 myń tekshe metrdi quraıdy, bul nóser kanalızaııasynyń ótkizý qabiletin aıtarlyqtaı jaqsartýǵa múmkindik beredi: bógetsiz jınaýdy, jer ústi aǵyndaryn burýdy jáne tazartýdy qamtamasyz etedi. Qazir jumys istep turǵan jınaǵysh toǵandy qurǵatý jumystary aıaqtalyp, jer asty tazartý qurylysynyń qurylysy bastaldy.

Bul tazartý qurylystary Tashenov, Baraev, Ýálıhanov, Imanbaev jáne Respýblıka dańǵyldarynyń sý basýyn boldyrmaýǵa múmkindik beredi. Tazalaý qurylysy jer astynda ornalasqandyqtan, qurylys alańynyń ústi abattandyrylyp, tynymbaq ornatý qarastyrylǵan. Qurylysty 2021 jylǵa qaraı aıaqtaý josparlanyp otyr. Búgingi tańda elordanyń jaýyn-shashyndyq kárizdik júıesi 14 tazartý qurylǵydan, 3 jınaqtaǵysh toǵannan turady.

Sońǵy jańalyqtar