2 Qarasha, 19:32 411 0 Zań Anar LEPESOVA

Bir qap qarý jınap, asa aýyr qylmysqa daıyndalǵan Almaty turǵyny ustaldy

12 kalıbrli eki sholaq jáne tegis uńǵyly myltyqtar, karabın, 15 oq-dári. Osynsha qarý-jaraq arqalaǵan almatylyq asa aýyr qylmysqa daıyndalǵan. Tártip saqshylary zańsyz qarýdy "Dýman" yqsham aýdanynan, kúdiktini tintý kezinde Audi kóliginen tapty. Bul týraly  "Astana" arnasy habarlady. 

Qalalyq polıııa departamenti qarý-jaraqty saqtaǵan 27 jastaǵy kúdiktini ýaqytsha oqshaý abaqtysyna qamady.  Onyń áreketi qylmystyq kodekstiń 287 baby, 3-bóligi boıynsha qarastyrylyp jatyr. Tergeý jumystary bastalyp ketti.  Kúdiktiniń buryn bopsalaý faktisi boıynsha isti bolǵany anyqtaldy.

"Krımınaldyq polıııa basqarmasynyń qyzmetkerleri qarý-jaraqty óziniń úıinde jáne avtokóliginde saqtaǵan 92 jyly týǵan T. esimdi azamatty quryqtaǵan. Bul azamat asa aýyr qylmysqa bel býypty. Qaraqshylyq, shabýyl, tonaý áreketterin jasamaqshy boldy. Biraq qylmystyq pıǵylyn júzege asyryp úlgergen joq. Ustaldy", — deıdi Almaty qalasyndaǵy polıııa departamentiniń resmı ókili Saltanat Ázirbek.

"Qoramsaq" qarý-jaraq qaýymdastyǵynyń vıe-prezıdenti Sergeı Katnovtyń aıtýynsha, qazir pnevmatıkalyq qarý-jaraqty satyp alý qıyn emes. Osydan bir aı buryn "Aqqent" shaǵyn aýdanynda 15 jastaǵy bozbala sýyq qarýmen bútin bir otbasyn asyraýshysynan aıyrǵan edi. Qarý-jaraqty satyp alý úshin qatań tártip ornatylýy qajet.

"Qylmyskerler negizinen tapanshaǵa áýes ktkledi. Qazir pnevmatıkalyq qarýlar emin-erkin satylady.  Ásirese ǵalamtorda. Osyny shekteý kerek. Qatań talaptar qoıylýy kerek", — deıdi vıe-prezıdent.

Kúdiktiden tárkilengen qarýlar sot-ballıstıkalyq saraptamaǵa jiberildi. Qarýlardyń buryn qandaıda bir qylmysqa qatysy bar-joǵy anyqtalmaq.

Sońǵy jańalyqtar