21 Qazan, 12:54 339 0 Aımaq Anar LEPESOVA

Saǵyntaev Kóktóbede kóshetterdi otyrǵyzbaı, dalaǵa tastap ketken basshylardy jazalady

Baqytjan Saǵyntaev Jasyl Almaty akııasy kezinde, Kóktóbege sıvers almasy men qyzǵaldaq kóshetterin tolyq otyrǵyzbaı ketkeni úshin jasyl ekonomıka basqarmasynyń basshysy Erjan Seıtenovke sógis jarııalady, dep habarlaıdy QazAqparat. 

«Búgin men Svetlana Spatarǵa erekshe alǵys bildirgim keledi, ol óziniń belsendi azamat ekenin kórsetti. Kóktóbedegi Jasyl Almaty akııasy aıaqtalǵanan keıin, birtalaı jemis aǵashy men qyzǵaldaq gúliniń kóshetterin otyrǵyzbaı dalaǵa tastap ketkenin aıtty. Biz tergeý júrgizdik. Nátıjıesinde osy ýchaskege jaýapty ákimdik qyzmetkeri jazalandy. Mıllıon aǵash otyrǵyzǵan kezde, ár kóshet otyrǵyzylýy tıis. Ár adam ózine júktelgen mindetke jaýapkershilikpen qaraǵany durys»,- dep atap ótti Almaty qalasy ákiminiń orynbasary Erlan Qojaǵapanov.

Ákim orynbasary dalada shashylyp qalǵan barlyq kóshetterdiń, pıtomnıkke ornalastyrylǵanyn aıtty. Ákimdiktiń baspasóz qyzmetiniń habarlaýynsha, Almaty qalasynyń ákimi Baqytjan Saǵyntaev jasyl ekonomıka basqarmasynyń bastyǵy Erjan Seıtenovke sógis jarııalady.

 

Sońǵy jańalyqtar