20 Qazan, 17:04 384 0 Jańalyqtar Anar LEPESOVA

Qarjy pıramıdasyna aldanǵan qazaqstandyqtar sany 700-ge jetti

Elimizde atyshýly "Questra World" pıramıdasyna qarjy quıyp, keıinnen barmaq tistep qalǵandar sany 700 adamǵa jetken. Uıym ókilderi birneshe qalalarda jıyn ótkizip, sertıfıkat tabystaǵan. Onymen qosa salǵan "ınvestıııa" arqyly jylyna 200-300 ese paıda tabasyz dep jurtty sendiripti. Jıǵan-tergenin alaıaqtarǵa berip, sońynda jer sıpap qalǵandar búginde Elordada ádildikke qol jetkize almaı keledi, dep habarlaıdy "Eýrazııa" arnasy. 

"Jalpy, kirgen somamyz bizdiń 12 mln teńgeni quraıdy. Bul qarjylyq pıramıda Qazaqstanǵa 2016 jyly kirgen. Ony Rossııanyń azamattary alyp kelgen. Biraq, Qazaqstanda taratyp, damytyp júrgen ol  Karamaev Kenesary degen Qaraǵandynyń azamaty, qazir sot proesi júrip jatyr. Sot proesine bizdiń narazylyǵymyz bar. 550 mln-nan artyq dollar Qazaqstannyń shetine shyǵarylyp ketken", - deıdi qarjylyq pıramıdasynyń salymshysy Gúljan Kúzer.

Dál osy qarjy pıramıdasynan opyq jegenderdiń jaǵdaıyna alańdaǵan halyq qalaýlylary da eki jyl buryn Parlamentte másele kótergen edi. Azamattarymyzdyń qarjylyq saýatynyń tómendigine qynjylǵan Bekbolat Tileýhan, ol kompanııalarǵa ketken aqshany qaıtaryp alýdyń qıyn ekendigin aıtqan bolatyn. Sebebi, ondaı mekemelerdyń esepshoty afshorlarda ornalasqan eken.

Bul uıymǵa aldanǵandar tek bizdiń elde ǵana emes, Reseı, Ýkraına, Belarýs syndy memleketterde de bar eken. Jalpy zardap shekkender sany jarty mıllınoǵa jýyqtaıdy. Qarjylyq pıramıdanyń negizin qalaǵan ýkraınalyq azamat ótken jyly Máskeýde tutqyndalǵan edi. Al, elimizdegi balamasyn qurǵandar búginde sot aldynda jaýap berýde. Biraq, zardap shekkender olardan bir tıyn da óndirip ala almaı keledi.

Jer sıpap qalǵandardyń sózinshe, alaıaqtar salymshylardy tartý úshin túrli aıla tásilge barǵan. Quıǵan qarjyńyzdy 3 aıdyń ishinde qaıtaryp, dıvıdend, ıaǵnı belgili mólsherde tabys tabasyz dep sendiripti. Dál osyndaı aldanyp qalǵandardyń biri qolyndaǵy 10 mln teńgesin sanap bergen.

Al, zańgerler kez-kelgen adamǵa kúmán uıalatatyn uıymdy anyqtaý úshin birneshe qarapaıym dúnıelerge nazar aýdarýǵa shaqyrady. Olar aýqymdy jobalar, shet-shegi joq syılyqtar jáne ózińnen soń kompanııaǵa birneshe adam tartý degen ereje. Paıdany kózdegenderdiń mekemesi bolsa, osyndaı pýnktter mindetti túrde kezdesedi eken.

«Adamdardyń qarjylyq jaǵynan saýatsyzdyǵy. Internet arqyly kóp adamdar aldanyp qalyp jatady. "Alǵashqy adamdarǵa olar shyndyǵynda da ózderiniń proentin beredi. Aldyńǵy adamdar senip, artqy adamdardy tartý úshin», - deıdi zańger Baqytjan Omarhanov.

Elordadaǵy Almaty aýdandyq sotynda 4 aıdan beri qaralyp jatqan is boıynsha, kúdikti retinde 4 adam jaýap berýde. Olar shetten kelgen pıramıdanyń elimizde "órkendep, qanat jaıýyna" sebepshi bolǵan. Al, páterin satyp, qaryzǵa belshesinen batqan jandardyń qarjysy qaıtaryla ma, joq pa ol suraqtyń basy ázirge ashyq tur.

Sońǵy jańalyqtar