20 Qazan, 15:09 334 0 Ekonomıka Anar LEPESOVA

Qyzylordalyq kúrish Mońǵolııa men Ózbekstanǵa eksporttalady

Qyzylorda oblysy Mońǵolııa men Ózbekstanǵa eksport ashýdy josparlap otyr. Bul týraly oblystyq aýyl sharýashylyǵy basqarmasy habarlady.

Aqparatqa sáıkes, óńirde kúrish óńdeý boıynsha toqtap turǵan kásiporyn iske qosylǵan.

"Abaı Daýlet" kompanııasy 10 jyl boıy toqtap turǵan 300 mln teńgege deıingi baǵada kúrish óńdeý zaýytyn satyp alyp, ony nemis qural-jabdyqtarymen tolyqtyrdy. Kúrish jarmasy Reseıge, Mońǵolııaǵa, Ýkraınaǵa, Tájikstanǵa jetkiziledi", – dedi basqarmada.

Alǵashqy jetkizilimder Tájikstanǵa jiberilgen, 31,2 mln teńgege 140 tonna astyq eksporttaldy. Sondaı-aq kúrish Reseıge 6,1 mln teńgege satyldy.

"Sonymen qatar, osy jyly kompanııa Qyzylordada táýligine 7 tonna kúrish óndiretin taǵy bir kúrish óńdeıtin zaýytty 220 myń dollarǵa satyp aldy. Kásiporyn Qytaı tehnologııasymen jabdyqtalǵan", — dep atap ótti memlekettik organ.

Aıta keteıik, qazirgi ýaqytta zaýytta 80 adam jumysqa ornalastyrylǵan.

Sońǵy jańalyqtar