20 Qazan, 11:45 371 0 Ádebıet Anar LEPESOVA

Baqytjan Saǵyntaev almatylyq qalamgerlerge grant tabystady

Almatyda qala ákimi Baqytjan Saǵyntaev jazýshylar qaýymymen kezdesip, olarǵa ataýly granttardy tabystady.

Grantqa úmitkerlerdi Qazaqstan Jazýshylar odaǵynyń komıssııasy anyqtady. Grant somasy – 500 myń teńge.

Ákimniń granttaryn alǵandar ishinde dramatýrg Sofy Smataev, jazýshy Temirhan Medetbek, aqyndar Israıl Saparbaı, Nadejda Chernova, Patıgúl Maqsatova, Lıýbov Shashkova, Dýman Ramazan, Dıdar Amantaı, Qalmahambet Muqametqalı, jas qalamgerler Qanat Ábilqaıyr, Qanat Tileýhan, Maqsat Ramazan, Dınara Málik, Darhan Beısenbekuly, Doshan Jylqybaı, Irına Gýmyrkına, aýdarmashy Nına Skalovskaıa, synshy Baǵashar Aryqbaev jáne basqa da qalamgerler bar.

Kezdesýde qala ákimi aǵymdaǵy jyly Qazaqstan Jazýshylar odaǵynyń tarıhı ǵımaratyn jóndeý bastalatynyn, nysannyń burynǵy sáýlet kórkin saqtaý basty sharttyń biri ekenin atap ótti. Keler jyly Ádebıetshiler úıin jóndeýden ótkizý josparlanǵan. «2021 jyly biz el Táýelsizdiginiń 30 jyldyǵyn atap ótemiz, keler jyly – uly Abaı men ál-Farabıdiń mereıtoılary. Sizderdiń senarıılerdi, qoıylymdardy, ádebı shyǵarmany ázirleýge qosatyn úlestirińiz óte baǵaly», - dedi B.Saǵyntaev, sonymen qatar ol qoǵamǵa rýhanı baǵdardyń qajet ekenin atap ótti.

Óz kezeginde Qazaqstan Jazýshylar odaǵynyń tóraǵasy Ulyqbek Esdáýlet qoldaýǵa, ásirese jas jazýshylarǵa kórsetilgen senimge alǵys sózin aıtyp, rızashylyǵyn bildirdi. «Bizge, halyqtyń ókili retinde ákimniń estýi mańyzdy, demek ol qalalyqtardyń qajettilikteri men úmit-nıetin biledi degen sóz. Biz óz tarapymyzdan qala qoǵamdastyǵyn damytýǵa óz úlesimizdi qosý úshin barlyq múmkindikterdi jasaıtyn bolamyz», - dedi U. Esdaýlet.

 

Sońǵy jańalyqtar