18 Qazan, 18:56 467 0 Mádenıet Anar LEPESOVA

M.Áýezov teatry jańa maýsymyn ashty

Muhtar Áýezov atyndaǵy Qazaq memlekettik akademııalyq drama teatry 94-shi  maýsymyn ashyp, kórermenmen qaıta qaýyshty. 

Jańa maýsymnyń basty jańalyǵy – Qazaqstannyń eńbek sińirgen qaıratkeri, «Alash» Halyqaralyq ádebı syılyǵynyń laýreaty Álııa Bópejanovanyń aýdarmasyndaǵy, Grıgorıı V.Tomskııdiń «Attıla men Aeıı» qoıylymy kórermenge jol tartty. Jańa spektakl Qazaqstannyń eńbek sińirgen qaıratkeri Alma Arǵynnyń rejısserlyǵymen qoıyldy.

94-maýsymnyń resmı ashylýy aldynda teatr basshylyǵy men ujymy baspasóz konferenııasyn ótkizip, jýrnalısterge jańa maýsymǵa jasalǵan josparlary, jańalyqtar men ózgerister jaıly aqparat berdi.

Teatr dırektory Sábıt Ábdimútáliuly «Attıla men Aeıı» spektakli Italııada ótetin festıvalge qatysýǵa joldama alǵandyǵyn jetkizdi.

Aıta keteıik, Attıla – Edil qaǵan, batys ǵundar men eýropalyq kóptegen taıpalardyń basyn biriktirip, úlken qaǵanat qurǵan (b.z. 434-453 jj.), álemdik tarıhta erekshe orny bar tulǵa. Belgili attılatanýshy, franýz jazýshysy B. Tıýrgenniń tarıhı dramasyn sahnalap otyrǵan teatr ınterpretaııasynda Attıla basqynshy emes, kerisinshe, Eýropada qul ıelenýshilik qurylystyń shaıqalýyna áser etken, ondaǵy halyqtarǵa azattyq ápergen uly qolbasshy, Ǵun-Rım ımperııasyn qurýdy armandaǵan kórnekti memleket qaıratkeri, dinı senimderdi qadirleıtin dıplomat beınesinde kórindi. Munyń túp tamyrynda onyń ata-baba ósıetine adaldyǵy, ómirlik jáne bılik qaǵıdalaryna beriktigi jatyr. Búgingi kúnmen úndesetin, tańbalyq maǵynalary mol qoıylymda Attılanyń súıikti jary Kere-koǵa mahabbaty, rımdik ataqty general Aeıımen dostyǵy da kórkem kórinis tapqan.

Baspasóz konferenııasynan keıin teatr ujymy halqymyzdyń uly perzenti – Muhtar Áýezovtiń eskertkishine gúl qoıyp, rýhyna taǵzym etti.

Sońǵy jańalyqtar