17 Qazan, 10:43 339 0 Nur Otan Anar LEPESOVA

«Nur Otan»-da jemqorlyqqa qarsy jedel jeli jumys isteıdi

Sybaılas jemqorlyqtyń qandaı da bir kórinisine tap bolǵan elimizdiń kez kelgen turǵyny «Nur Otan» partııasyna habarlasa alady. Ol úshin Partııalyq baqylaý komıtetinde arnaıy 8 800 080 44 41 jedel jelisi iske qosyldy.

Elbasy, «Nur Otan» partııasynyń Lıderi Nursultan Nazarbaevtyń tapsyrmasyna sáıkes, 2014 jyly keń kólemdi qoǵamdyq talqylaýdan keıin 2025 jylǵa deıingi Sybaılas jemqorlyqqa qarsy is-qımyl partııalyq baǵdarlamasy qabyldanyp, keıinnen ol Qazaqstan Respýblıkasynyń Sybaılas jemqorlyqqa qarsy strategııasynyń negizine aınaldy. «Nur Otan»-nyń bastamasymen «Aqparatqa qol jetkizý týraly», «Sybaılas jemqorlyqqa qarsy is-qımyl týraly», «Qoǵamdyq keńester týraly» jáne t.b. zańdar qabyldandy. Jaqynda ǵana Sybaılas jemqorlyqty qabyldaý ulttyq ındeksi jarııalandy.

«Nur Otan» partııasy Saıası keńesiniń keńeıtilgen otyrysynda Qazaqstannyń Tuńǵysh Prezıdenti Sybaılas jemqorlyqqa qarsy is-qımyl jónindegi Respýblıkalyq qoǵamdyq keńestiń jumysyn kúsheıtýdi, sonymen birge turǵyndarmen ózara is-qımyl áreket úlgisin jetildirip, tyǵyz baılanys ornatýdy tapsyrdy.

Jedel jeli arqyly túsken qońyraýlardyń barlyǵy ary qaraı memlekettik organdardyń jumysyndaǵy sybaılas jemqorlyq qaýipterine taldaý júrgizý jáne olardy barlyq deńgeılerde azaıtý boıynsha sharalar qabyldaýǵa kómektesý úshin tirkeledi.

«Birde-bir ótinish nazardan tys qalmaıdy. Árbir shaǵym boıynsha tez arada jumys isteledi. Sonymen qatar, partııalyq baqylaý qyzmeti memlekettik organdarǵa naqty usynystar bere alady» – dedi «Nur Otan» partııasy partııalyq baqylaý qyzmetiniń basshysy Dáýren Bıjumanov.

Sall-ortalyqtyń jumys ýaqyty: dúısenbi men juma kúnderi saǵat 8:00-den 19:00-ge deıin. Jumys ýaqytynan tys jáne demalys kúnderi qońyraýlar jazylyp alynady.

Sońǵy jańalyqtar