17 Qazan, 10:35 302 0 Nur Otan Túrkistan Gazeti

Halyqpen dıalog ornatýdyń mańyzy erekshe

Qazaqstan Respýblıkasynyń Prezıdenti Qasym-Jomart Toqaevtyń bul alǵashqy Joldaýy. Taqyryby da ótkir, onyń astarynda negizgi basym baǵyttar aıqyn kórsetilgen. «Syndarly qoǵamdyq dıalogQazaqstannyń turaqtylyǵy men gúldenýiniń negizi» atty Joldaý eldegi saıası júıeni kezeń-kezeńimen jańǵyrýǵa shaqyrýda. Búginde qoǵamdyq-saıası ómirdi jańǵyrtýdy myqtap qolǵa alý qajet. Sonda ǵana ekonomıkalyq reformaǵa qol jetkizýge bolady jáne bul rette aıtarlyqtaı qıyndyqtar týyndaı qoımasy anyq. Dese de, kez-kelgen qıyndyqqa tótep berýge daıyn bolýymyz qajet jáne buryndary da nebir qıyndyqtardy bizdiń memleket jeńe bildi. Búgingi tańda kóp partııalyqty odan ári damytý mańyzdylyǵyn joǵaltpaı keledi. Taǵy bir mańyzdy baǵyt qoǵamdyq kelisimdi saqtaý, halyqpen tıimdi baılanys ornatýdyń da ózektiligin umytpaýymyz kerek, mıtıngiler týraly zańnamany jetildirý taǵy bar.

Prezıdent elimizdegi qoǵamdyq kelisimdi nyǵaıtýdyń «negizgi kilti» bolyp tabylatyn til máselesine de erekshe toqtalǵandyǵy kóńilden shyqty. Qasym-Jomart Kemeluly: «Elimizdegi etnıkalyq toptardyń tili men mádenıetin damytýǵa jaǵdaı jasaı beremiz. Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi dep esepteımin. Biraq mundaı dárejege jetý úshin bárimiz dańǵaza jasamaı, jumyla jumys júrgizýimiz kerek» dep atap kórsetkendigi kóptiń kóńilinen shyqqandyǵyna kúmán joq.

Sondaı-aq, sot pen quqyq qorǵaý júıesin odan ári jetildirý, kásipkerlikti damytý men shaǵyn jáne orta bıznesti tekserýden bosatý, qarjy resýrstaryn durys bólý, halyqqa áleýmettik qoldaý kórsetýdi jalǵastyrý, óńirler arasynda teńsizdikti joıý jáne basqa da halyqty tolǵandyryp júrgen ózekti máselelerdiń birqataryna erekshe kóńil bólý qajettigin alǵa tartty. Aldaǵy saıası reformalar sııaqty bul jumys Qazaqstannyń árbir azamaty memleket tarapynan qamqorlyqty sezinýine jáne óziniń konstıtýııalyq quqyqtaryn qorǵaýǵa senimdi bolýyna baǵyttalýy tıis ekendigin de tilge tıek etti.

Joldaýda Memleket basshysy bizdiń ortaq mindetimiz – adamdardyń barlyq suranystaryna tez jaýap beretin – «estıtin» memleket tujyrymyn júzege asyrý, tek dıalog arqyly úılesimdi memleket qurýǵa bolatyndyǵyn aıtyp ótti. Sondyqtan azamattyq qoǵamdy qoldaý jáne nyǵaıtý, ony ózekti máselelerdi talqylaýǵa tartý qajettigi mańyzdy. Osy maqsatta Qoǵamdyq senim ulttyq keńesi qurylyp, birqatar mańyzdy sharalardy júzege asyrýy kózdelip otyr.

Bul rette partııa qurý proesin jalǵastyrý qajettigi aıtyldy. «Nur Otan» partııasy eldiń jetekshi saıası kúshi, ol kúrdeli de jaýapty mindetterdi júıeli túrde oryndap kele jatqandyǵy sózsiz. Alda basqa da saıası partııalarmen jáne qozǵalystarmen yntymaqtasý mindeti tur. Qoǵamdy tolǵandyratyn negizgi problemalar synǵa alynyp, olardyń sheshimi kóshede emes, parlamentte, azamattyq dıalog aıasynda talqylanyp, tabylmaq. Depýtattar óz quqyqtaryn paıdalanyp, onyń ishinde úkimetke ótinishterin joldaý arqyly júzege asyrýy tıis. Sonymen birge zań shyǵarýshy jáne atqarýshy bılik arasyndaǵy qatynastar ózara qurmetke negizdelmek.

Joldaýda aıtylǵan taǵy bir mańyzdy máseleniń biri  – Elbasy «Nur Otan» partııasy Saıası keńesiniń otyrysynda memlekettik satyp alýlar úderisin retke keltirý máselesine erekshe mán berilgendigi jaıly boldy. Qarjy mınıstrligi memlekettik satyp alýdy ońtaılandyrýmen aınalysyp jatyr, biraq zańnamalyq sıpattaǵy sharalar qajet.

Memlekettik satyp alýdyń áleýeti zor (keıbir esepteýler boıynsha, jylyna 400 mıllıard teńgege deıin jetedi). Bul qarjyny ózekti áleýmettik máselelerdi sheshýge jumsaýǵa bolady. Ótken jyly memlekettik satyp alý kólemi 4,4 trıllıon teńgeni qurady, sonyń 3,3 trıllıon teńgesi nemese 75 paıyzy básekeden tys tásilmen bir kózden alý arqyly jumsalǵan.  Bul rette sheneýnikter men túrli deldaldardy paıdaǵa keneltip otyrǵan bul tabys kózin jabatyn kez kelgendigin qadap aıtty Qasym-Jomart Kemeluly.

Prezıdent óz Joldaýynda qoǵam men bıliktiń ózara yqpaldasqan is-qımylynyń osy túrin syndarly ekendigin aıtyp, azamattardy ashyq dıalogqa shaqyryp otyr. Qasym-Jomart Toqaev ózekti, sheshimin kútip turǵan máselelerdiń bar ekenin ashyq aıtyp otyr, sonymen birge olardy sheshýdiń utymdy joldaryn usynyp, táýekelder men múmkindikterdi pragmatıkalyq turǵydan baǵalaıtynyn ańǵarý qıyn emes.

Prezıdent Qasym-Jomart Toqaevtyń  Qazaqstan halqy Joldaýyndaǵy aıtylǵan  halyqtyń ál-aýqatyn arttyrýǵa baǵyttalǵan bastamalary aımaqta jalǵasyn taýyp, naqty nátıjelerge qol jetkizýimiz kerek. Turǵyndar áleýmettik máselelerdi sheshýde partııaǵa úlken senim artyp otyr. Osyǵan oraı, Prezıdent júktegen jańa mindetterdi oryndaýǵa kúsh salyp, turǵyndardyń ıgiligi úshin jasalatyn jumystarǵa  birigip kúsh jumsaıyq.

 

Elýbaı ÁBILOV,

«Nur Otan» partııasy Mańǵystaý

oblystyq fılıaly tóraǵasynyń birinshi orynbasary

Sońǵy jańalyqtar