16 Qazan, 15:21 288 0 Jahan Anar LEPESOVA

Darıǵa Nazarbaeva Túrkııanyń birinshi hanymymen kezdesti

Nur-Sultanda ótip jatqan qaterli isikpen kúres kóshbasshylarynyń dúnıejúzilik sammıti aıasynda Parlament Senatynyń tóraǵasy Darıǵa Nazarbaeva Túrik Respýblıkasynyń birinshi hanymy Emıne Erdoǵanmen kezdesti, dep habarlaıdy parlam.kz.

Senat basshysy ulttyq jáne álemdik aýqymdaǵy onkologııalyq syrqattardy zertteý, dıagnoz jasaý jáne emdeýdiń mańyzdylyǵyn atap óte kelip, sharaǵa qatysqany úshin alǵysyn bildirdi. Emıne Erdoǵan óz kezeginde sammıttiń uıymdastyrý deńgeıin joǵary baǵalap, densaýlyq saqtaý salasyndaǵy ekijaqty yntymaqtastyqty qalyptastyrýdy usyndy.

«Qazaqstan men Túrkııany dostyq jáne baýyrlastyq qarym-qatynastar ǵana emes, áriptestik qatynastar da baılanystyrady. Bizdiń elderimiz kóptegen salalar boıynsha nátıjeli yntymaqtasyp keledi. Sondyqtan sammıttiń qorytyndysy boıynsha medıına salasyndaǵy yntymaqtastyq pen ózara tıimdi baılanystardyń nyǵaıatynyna senimdimin», – dep atap ótti Túrkııa Respýblıkasynyń birinshi hanymy Emıne Erdoǵan.

Sońǵy jańalyqtar