16 Qazan, 10:39 267 0 Zań Anar LEPESOVA

Japonııada sotty bolǵan 550 myń adamǵa raqymshylyq jasalady

Japonııa úkimeti eldiń jańa ımperatory Narýhıtonyń taqqa otyrýyna baılanysty sotty bolǵan 550 myń adamǵa raqymshylyq jarııalaýdy kózdep otyr, dep habarlaıdy QazAqparat Yomiuri Shimbun basylymyna silteme jasap. 

Resmı derekkózderdiń málimdeýinshe, raqymshylyqtyń egjeı-tegjeıi týraly sońǵy sheshimdi el úkimeti osy aptanyń aıaǵyna qaraı qabyldaıdy. Sodan keıin ony monarh maquldaýy qajet. Buǵan deıin Japonııada 1990 jyly – ımperator Akıhıto taqqa otyrǵanda isti bolǵan 2,5 mln adamǵa raqymshylyq jasalǵan.

Endi ımperator taqty óz erkimen uly Narýhıtoǵa tapsyrdy. Qazir Japonııa jalpy 57 myń adam túrmede otyr. Imperator Narýhıto bıyl 1 mamyrda taqqa otyrǵan. Sol kezde oǵan memlekettiń bas móri men ımperator móri, memlekettik sımvoldar tapsyrylǵan. Biraq jańa ımperatordyń taqqa otyrýyna baılanysty basty saltanattar 22 qazan kúni jáne qarasha aıynda ótedi.

 

Sońǵy jańalyqtar