14 Qazan, 15:24 309 0 Syrtqy saıasat Dınara MYŃJASARQYZY

Sırııa armııasy túrik áskerine qarsy shyqty

Sırııa áskeri Túrkııa shabýyl jasap jatqan soltústik aýdanǵa kirý jóninde buıryq aldy. Sırııa bıligi Túrkııa áreketin "agressııa" dep baǵalap otyr.

Taǵy bir málimetke qaraǵanda, Sırııa úkimeti men "Sırııa demokratııalyq kúshter" (kúrdterdiń qarýly kúshi) arasynda kelissózder bastalǵan.

Reuters aqparatyna qaraǵanda, kelissóz Latakııadaǵy Hmeımım áýebazasynda ótip jatyr. Bul jerdi reseılik ásker baqylaıdy.

Soǵys alańynda jumys istep jatqan CNN tilshileri shabýyl nasyrǵa shaýyp jatyr dep habarlady.

AQSh qorǵanys mınıstri Mark Esper Túrkııa shabýylyn keńeıtýi múmkin dep boljaıdy. Bul jóninde ol Bı-bı-sı-ge bergen suqbatynda aıtty.

Túrkııa shabýyldy Sırııada terrorıstermen kúres kezinde AQSh-tyń basty odaqtasy bolǵan kúrd áskerine qarsy jasap jatyr. Esperdiń sózinshe, kúrdter endi resmı Sırııa men Reseıden qoldaý izdeýi múmkin. Sol sebepten AQSh olardy qoldamaıdy deıdi Pentagon basshysy.

BUU málimeti boıynsha, ótken aptada 130 myń adam Sırııa soltústiginen bas saýǵalap ketken. Bosqyndar sany jaqyn ýaqytta kóbeıýi múmkin dep eskertedi BUU.

Sońǵy jańalyqtar