14 Qazan, 10:46 336 0 Áleýmet Anar LEPESOVA

Qazaqstandyqqa 568 teńge, sheteldikke 6 500 teńge: Nurymbetov Atyraýdaǵy jalaqy teńsizdigin synǵa aldy

Qazaqstandyq jáne shetelden tartylatyn mamandardyń jalaqy teńsizdigi máselesiniń kóterilip júrgenine talaı jyldyń júzi. Atyraýǵa sapary barysynda bul túıtkilge elimizdiń eńbek jáne halyqty áleýmettik qorǵaý mınıstri Birjan Nurymbetov nazar aýdardy. 

Mınıstr «Bolashaq-Atyraý» JShS munaı men gaz óndirý zaýytyna bardy. Ol sapar barysynda jýrnalısterdiń suraǵyna jaýap berdi. Óz sózinde Nurymbetov 50-den astam sheteldik maman jumys isteıtin qazaqstandyq kásiporyndar eńbek mınıstrligi men bas prokýratýramen tekseriletinin málimdedi.

Eńbek jáne halyqty áleýmettik qorǵaý mınıstrliginiń málimetinshe, elimizde 2 425 kompanııa bekitilgen kvota boıynsha sheteldik jumysshylardy tartyp otyr. Atalǵan kásiporyndarda 530 myńnan asa qazaqstandyq jumys isteýde.

Nurymbetovtyń aıtýynsha, bıylǵy jyldyń qazan aıynyń ortasyna deıin 49 kásiporyn tekserilip, komıssııa 791 buzýshylyqty anyqtapty. 24 kásiporynda qazaqstandyq jáne sheteldik mamandarǵa jalaqy men syıaqy tóleýge qatysty 476 buzýshylyq anyqtalǵan.

«Osylaısha, Atyraý oblysyndaǵy «Munaqurylysqyzmeti LTD» JShS-da jergilikti ınjenerege 568 teńge kóleminde saǵattyq tarıftik mólsherleme belgilengen. Al osyndaı qyzmettegi sheteldik jumysshyǵa 6 500 teńge belgilenipti. Mundaı tájirıbege jol berýge bolmaıdy», - deıdi eńbek mınıstri.

Birjan Nurymbetov qazaqstandyq jáne sheteldik jumysshylardyń eńbek jaǵdaıy men jalaqysy teń bolýy kerektigin eskertti.

 

Sońǵy jańalyqtar