14 Qazan, 10:20 309 0 Ekonomıka Anar LEPESOVA

Toǵyz aıda ónerkásip óndirisi 3,3 paıyz ósken

Ulttyq ekonomıka mınıstri Rýslan Dálenov Úkimet otyrysynda 9 aıdyń ekonomıkalyq kórsetkishterin jarııalady. 

«Qańtar-qyrkúıekte jalpy ishki ónim 4,3% ósti. Ósý qurylystaǵy, saýdadaǵy jáne kólik salasyndaǵy shyǵarylymnyń ulǵaıýymen qamtamasyz etildi. Negizgi kapıtalǵa salynǵan ınvestıııalar 9,7% ósti. Qyrkúıekte jyldyq ınflıaııa 5,3% qurap, josparlanǵan dáliz sheginde ekenin kórsetti. Qańtar-tamyz aılarynda halyqtyń naqty tabystary 6,7% ósti», - dep aıtty Ulttyq ekonomıka mınıstri.

Dálenov ónerkásip óndirisi 9 aıda 3,3% óskenin aıta ketti.

«Óńdeý ónerkásibi men ken óndirý ónerkásibi ósýdiń draıverleri boldy. Óndeý salasynda eń joǵary ósýge jeńil ónerkásipte mashına jasaýda, sýsyndar óndirisinde jáne farmaevtıkada qol jetkizildi. Ken óndirý ónerkásibinde metall rýdasyn óndirý 13,1% ósti. Bul ósim tústi metall rýdasyn óndirýdiń ulǵaıýymen qamtamasyz etildi. Sonymen birge, kómir jáne munaı óndirýde áli de tómendeý baıqalady», - dedi mınıstr.

Onyń sózinshe, qurylys jumystaryn júrgizý 13,5%-ǵa deıin jedeldep, 8,8 mln sharshy metr turǵyn úı paıdalanýǵa berildi. Al aýyl sharýashylyǵy salalarynda mal sharýashylyǵy ónimderiniń óndirisi 3,5%-ǵa ulǵaıdy. Ósimdik sharýashylyǵy óndirisi 4%-ǵa tómendedi. Nátıjesinde aýyl sharýashylyǵynda 0,5% tómendeý tirkeldi.

«Kórsetiletin qyzmetter salasynda ósý 4,4% qurady. Kóterme saýdanyń ósýi esebinen saýda kólemderi 7,6%, júk aınalymynyń esebinen kólik qyzmetteri 5,5% ósti. Qańtar-tamyzda syrtqy saýda aınalymy 1,8% ósip, 62,1 mlrd dollardy, onyń ishinde eksport kólemi 37,6 mlrd dollardy, ımport 24,5 mlrd dollardy qurady», - dedi mınıstr Úkimet otyrysynda.

 

Sońǵy jańalyqtar