14 Qazan, 10:09 264 0 Sport Anar LEPESOVA

Golovkınniń kelesi qarsylasy kim?

IBF nusqasy boıynsha orta salmaqtaǵy álem chempıony Gennadıı Golovkınniń promoýteri Eddı Hırn onyń kelesi qarsylasy kim bolýy múmkin ekenin aıtty, dep habarlaıdy Sports.kz.

Onyń aıtýynsha, GGG polshalyq Kamıl Sheremetamen judyryqtasýy múmkin.

«Golovkınniń chıkagolyq jankúıerler arasyndaǵy abyroı-bedeli bıik. Eger ol Kamıl Sheremetamen sharshy alańǵa shyǵatyn bolsa, ony Chıkagoda ótkizgen durys. Onda óte úlken polıak dıasporasy bar. Sheremetamen aıqas týraly aıtýǵa áli erte, degenmen biz ol nusqany qarastyryp jatyrmyz. Meniń oıymsha, bul jekpe-jekti ótkizýge týra keledi. Óıtkeni tıtýldy jeńip alǵan soń saǵan mindetti qarsylasty bekitip beredi. Ázirge IBF ondaı eshteńe talap etken joq, biraq biz kelissóz júrgizip jatyrmyz. Sheremeta tıtýldyń qaıtadan bosaǵanyn kózdep otyr», - dep keltiredi Hırnnyń sózin Boxing News 24.

 

Sońǵy jańalyqtar