14 Qazan, 10:04 246 0 Naryq Anar LEPESOVA

Bólingen qarjyny ıgere almaǵan mınıstrlikter ataldy

Qarjy mınıstri Álıhan Smaıylov Úkimet otyrysynda bıylǵy jyldyń qańtar-qyrkúıek aılaryndaǵy memlekettik bıýdjettiń kirisi men shyǵyndary jóninde esep berdi. 

«Respýblıkalyq bıýdjet 19% jáne jergilikti bıýdjetter 7% óskenin atap ótý kerek. Ulttyq qordyń aktıvteri 2018 jyldyń 9 aıymen salystyrǵanda 15 paıyzǵa ósip, 26 trln 447 mlrd teńgeni qurady. Shyǵyndar bıýdjettiń barlyq deńgeılerinde joǵary proentpen ıgerildi. Esepti kezeńniń kórsetkishteri osy jyldy joǵary deńgeıde aıaqtaýǵa barlyq múmkindik bar ekenin kórsetedi», - dedi Álıhan Smaıylov Úkimet otyrysynda. Onyń aıtýynsha, jyl basynan beri respýblıkalyq bıýdjetke 4 trln 817 mlrd teńge tabys túsken. Bul jospardan 61 mlrd teńgege kóp.

«2018 jylǵy 1 qazandaǵy jaǵdaımen salystyrǵanda kiristiń ósý qarqyny 118,5%, ıaǵnı 751 mlrd teńgeni qurady. Bul somanyń 738 mlrd teńgesi - salyq. Salyq bólinisinde negizgi ósý qosylǵan qun - 421 mlrd teńge, korporatıvtik tabys - 184 mlrd teńge jáne halyqaralyq saýda men syrtqy operaııalarǵa salynatyn 125 mlrd teńge salyqqa keledi», - dedi ol. Álıhan Smaıylov atap ótkendeı, kiris boıynsha jospar Nur-Sultan qalasyn qospaǵanda barlyq óńirlerde artyǵymen oryndalǵan.

«Al respýblıkalyq bıýdjettiń shyǵyndary 8 trln 541 mlrd teńgeni qurady. Oryndalmaý somasy - 14,3 mlrd teńge. Onyń 5,7 mlrd teńgesi - únemdelgen qarajat. 8,6 mlrd teńge ıgerilmeı jatyr. Bul 2018 jyldyń 9 aıymen salystyrǵanda bes ese az. Eń kóp ıgerilmegen soma myna ákimshilerde qalyptasty: Ekologııa, geologııa jáne tabıǵı resýrstar mınıstrligi - 1,5 mlrd teńge, Joǵarǵy sot - 1,2 mlrd teńge, Mádenıet jáne sport mınıstrligi - 992 mln teńge, Saýda jáne ıntegraııa mınıstrligi - 947 mln teńge. Qarjy ıgermeýdiń negizgi sebepteri - konkýrstyq rásimderdi uzaq ótkizý, oryndalǵan jumys aktilerin ýaqtyly usynbaý, qazynashylyq organdaryna tirkeýge sharttar men qosymsha kelisimderdi kesh usyný», - dedi ol.

 

Sońǵy jańalyqtar