11 Qazan, 11:07 281 0 Rýhanııat Anar LEPESOVA

Aqtóbede dástúrli ánshi-jyrshylar baıqaýy bastaldy

Aqtóbege dástúrli ánshi-jyrshylardyń  "Jan serigim - dombyra" atty baıqaýy bastaldy.

Qatysýshylar Aqtóbe óńirinen shyqqan aqyn, sazger, jyraýlardyń shyǵarmalaryn oryndap, baq synasady. Jyrshylar saıysy Elbasy Nursultan Nazarbaevtyń "Bolashaqqa baǵdar: Rýhanı jańǵyrý" baǵdarlamasynyń jalǵasy "Uly dalanyń jeti qyry" maqalasyn aıasynda ótip jatyr. Oǵan qosa, Ǵazıza Jubanova atyndaǵy Aqtóbe oblystyq fılormonııanyń 75 jyldyǵy men Aqtóbe qalasynyń 150 jyldyǵyna arnalǵan.

"Jan serigim - dombyra" dástúrli ánshi-jyrshylardyń baıqaýyna Aqtóbeden ózge Batys Qazaqstan, Atyraý, Mańǵystaý, Qyzylorda oblystary men Nur-sultan qalasynan ónerpazdar kelgen. Úmitkerler Sary Bataquly, Qyzyl Turdalyuly, Táńirbergen Moldabaılardyń shyǵarmalaryn 15-20 mınýt oryndaıdy. 

"Osy ýaqytqa deıin aımaqtyq deńgeıde baıqaý ótkizip keldi. Bıyl "Jan serigim – dombyra" ánshi-jyrshylar baıqaýyn respýblıka kóleminde ótkizip otyrmyz. Eki jyldan ánshi, jyrshylar, óner maıtalmandary qatysty. Aqtóbe óńirinen shyǵyp, halyqtyń yqylasyna bólengen daryndy óner ıeleri Qyzyl Turdalyuly, Sary Bataquly, Naýryzbek jyraý, Nurpeıis Baıǵanın, Táńirbergen Moldabaı, Shernııaz Jarylǵasuly, Bákir Tájibaev sekildi belgili óner ıeleriniń shyǵarmalaryn oryndaýy tıis qatysýshylar. Qazir elimizdiń dástúrli ánshi, jyrshy, termeshileri jan-jaqty. Kez kelgen jyr-dastandy ǵalamtor arqyly taýyp, jattaýǵa múmkindik mol", - degen Ǵ.Jubanova atyndaǵy Aqtóbe oblystyq fılarmonııanyń dırektory Elýbaı Kenjalıev úmitkerlerge sáttilik tiledi.

Respýblıkalyq baıqaý eki kezeńnen turady. Qatysýshylardyń jas erekshelikteri 18-55 jas aralyǵynda. Talap boıynsha 1 kezeńde oryndalǵan shyǵarma qaıtalanbaýy shart.

"Eldiń negizgi rýhy óner, jyr-sóz bolǵandyqtan osy dúnıeni ardaqtap, bolashaq urpaqqa jetkizý barlyǵymyzdyń paryzymyz. Bul – sonyń bir joly. Baıqaýdy barynsha ádil ótkizýge, elge, jurtqa úlgi etýge tyrysamyz. Ortamyzda kóptiń kózin kórgen aǵalarymyz otyr. Respýblıkalyq baıqaýdy jaqsy ótkizýge atsalysamyz", - dedi ádilqazylar alqasynyń tóraǵasy, belgili jyrshy, kúıshi Eldos Emil.

Ádilqazylar quramynda ánshi Ǵ.Qurmanǵalıevtiń shákirti Haıdar Óteǵalıev, aqyn Nurlybek Qalaýov, ánshi Yrysty Súleımenova bar. Haıdar Óteǵalıev "Jan serigim – dombyra" baıqaýynyń respýblıkalyq deńgeıde ótip jatqanyn qoldaıtynyn jetkizdi. Qatysýshylardy ádil baǵalaýǵa ýáde berdi. Ádilqazylar músheleri óz óńirlerindegi dástúrli án men jyrdyń damý deńgeıin atap ótti.

"Negizinen jyr elimizdiń Batys óńiri men Syr elinde keń taraǵana. Degenmen, Nur-Sultan qalasy da úsh júzdiń basy qosylǵan jer ǵoı. Ol jaqta da dástúrli án men jyr barynsha nasıhattalyp jatyr. Nur-Sultan qalasynda jyrdy damytý maqsatynda Qazaq ulttyq óner ýnıversıtetinde 7 jyldan beri jyr bólimi ashyldy. Stýdentterdiń qyzyǵýshylyǵy joǵary. Alǵashqy túlekterimiz óner kórsetip júr", - dedi ánshi Yrysty Súleımenova.

"Qazaq týǵannan dúnıeden ótkenshe jyrmen besikke bólenip, aqyrǵy demi shyqqansha óleńmen, joqtaýmen ótedi. Bul – qazaq halqynyń ómirine, tirshiligine aralasyp, sińisip ketken dúnıe. Mańǵystaý oblysynda 1942 jyly Muryn atamyz Almaty qalasyna baryp, Qyrymnyń 40 batyryn jyrlap taýysa almaǵan. 35 batyrdy Almatyda, qalǵan 6 batyrdy aýylǵa kelip jyrlaǵan. Dál osyndaı kúıde bolmaǵanymen áli de bas qosýlarda óńirimizde jyr-dastandar jyrlanady. Qazaq dalasynda sińisken ádet bolǵanymen Syr boıynda, Mańǵystaýda, Batys Qazaqstan óńirinde jyr áli ólgen joq. Ózekti qalpynda", - dedi belgili jyrshy, kúıshi Eldos Emil.

Sońǵy jańalyqtar